Հավի մսով ու բուլղարական պղպեղով աղցան. անչափ համեղ և արագ պատրաստվող աղցան, որը դուր կգա ընտանիքի բոլոր անդամներին

• հավի փափկամիս — 3 կտոր
• պղպեղ բուլղարական — 2 հատ
• սոխ — 1 գլուխ
• սամիթ — 1 կապ
• սունկ շամպինիոն — 300 գր
• բուսայուղ — ըստ ճաշակի
• աղ — ըստ ճաշակի
• պղպեղ սև — ըստ ճաշակի
• Սոուսի համար՝
• թթվասեր — 250 գր
• լոլիկի մածուկ — 80 գր
• մանանեխ — 0,5 թ/գ

Պատրաստման եղանակ

1. Բուլղարական պղպեղները լավ լվանում ու կորիզահանում ենք, այնուհետև կտրատում ենք։
   
2. Սոխը կիսալուսնաձև կտրատում ենք։
   
3. Հավի փափկամիսը երկու կողմից տապակում ենք, մինչև ոսկեգույն դառնա։
   
4. Հավի փափկամիսը խորանարդաձև կտրատում ենք։ Այդ ընթացքում տապակում ենք սունկը։
   
5. Բոլոր բաղադրիչները խառնում ենք, ավելացնում ենք մանր կտրատած կանաչին, ապա համեմում ենք աղով ու պղպեղով։
   
6. Այժմ պատրաստում ենք սոուսը, որի համար թթվասերը, մանանեխն ու լոլիկի մածուկը խառնում ու ավելացնում ենք աղցանին։
   
7. Աղցանը պատրաստ է։
   

Բարի ախորժակ։

աղբյուր՝ cooks.am