Այս աղցանը դարձել է իմ ընտանիքի անդամների ամենասիրելի ուտեստը, որը ես պատրաստում եմ գրեթե ամեն օր։ Բաղադրատոմսը պարզ է. Աղցանը շատ գոհացնող է ստացվում, իսկ բաղադրության մեջ ներառված բոլոր ապրանքները հիանալի կերպով համակցվում են միմյանց հետ։
Պատրաստման համար անհրաժեշտ են հետևյալ բաղադրիչները․
- Ապխտած կրծքամիս – 250 գ.
- Սոխ — 2 հատ
- Կարտոֆիլ — 2 հատ
- Ձու — 4 հատ
- Բուլղարական պղպեղ — 1 հատ
- Թթու վարունգ — 2-3 հատ:
Պատրաստման եղանակը․
Աղցանի համար նախ խաշեք ձուն և կարտոֆիլը։ Սովորաբար այս աղցանը դասավորվում է շերտերով, բայց մեզ դուր է գալիս պարզապես համադրել բոլոր բաղադրիչները և համեմել տնական մայոնեզով: Սա աղցանը դարձնում է ավելի հյութալի: Աղցանի հիմնական գաղտնիքը մարինացված կարմիր սոխի մեջ է։ Ես այն մարինացնում եմ բառացիորեն հինգ րոպեում:
Մինչ ձվերն ու կարտոֆիլը եփվում են։ Նախ կտրատեք սոխը կիսաշրջանաձև, դրա վրա լցրեք 1 ճ.գ. շաքարավազ, 0,5 թ.գ աղ, 1 ճ.գ. 9% քացախ և 100 մլ տաք ջուր։ Շերտերով կտրատեք թթու վարունգը, ապխտած հավի կրծքամիսը և կարմիր բուլղարական պղպեղը: Խորհուրդ չեմ տալիս ապխտած կրծքամիսը փոխարինել խաշած մսով, աղցանի համը կփոխվի։
Բուլղարական պղպեղը տապակեք փոքր քանակությամբ բուսական յուղի մեջ։ Կարտոֆիլը եփեք թեթև աղաջրի մեջ, ապա կտրատեք խորանարդիկներով։ Նույն կերպ կտրատեք նաև պինդ խաշած ձվերը։ Բաղադրիչները լցրեք խորը ամանի մեջ: Ապա քամեք մարինադը և սոխը լցրեք բաղադրիչների վրա։
Ավելացրեք աղացած սև պղպեղ ըստ ճաշակի և աղ (անհրաժեշտության դեպքում): Աղցանը համեմեք մայոնեզով։ Ես կօգտագործեմ տնական մայոնեզ: Որպես սոուս կարող եք օգտագործել թթվասերը՝ վրան ավելացնելով մի քիչ մանանեխ և պղպեղ։ Աղցանը լավ խառնեք և մատուցեք։ Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն
