Կա մի պարզ թեստ` պարզելու համար, արդյոք մաշկի մեջ կա բավարար քանակությամբ կոլագեն (առաձգականությունը կախված է դրանից): Անհրաժեշտ է երկու մատով սեղմել մաշկը այտոսկրի վրա (աչքի հատվածին ավելի մոտ), պահել կես րոպե, ապա բաց թողնել: Կոլագենի նորմալ մակարդակներով մաշկն արագ կհարթվի: Եթե ճզմած հատվածը մի քանի վայրկյան մնում է այս դիրքում, դա վկայում է կոլագենի պակասի մասին: Եվ խնդիրը պետք է հնարավորինս արագ շտկել:
ԲՆԱԿԱՆ ԿՈԼԱԳԵՆ․
Ի՞նչն է պատասխանատու մաշկի ձգվածության համար: Էլաստինը, կոլագենը և հիալուրոնաթթուն: Այս բաղադրիչներից մեկի պակասի դեպքում մաշկը չորանում է, շատ շուտ կնճռոտվում: Կա մի պարզ միջոց՝ էպիդերմիսը կոլագենով «լրացնելու»համար: Եվ շատերը գիտեն դրա մասին: Աշխարհի ամենագեղեցիկ կանանցից մեկը՝ Սոֆի Լորենը, հաճախ դիմում է դրան: Սա կոլագենի բնական դիմակ է: Տնային այս միջոցի մասին դերասանուհին նշում է իր ինքնակենսագրական գրքում: Ի՞նչ է դա: Սովորական ժելատին: Դրանով դիմակներ պատրաստվում են նույնիսկ էլիտար գեղեցկության սրահներում: Ապրանքը դրականորեն է ազդում ոչ միայն մաշկի, այլև մազերի վիճակի վրա: Ձմռանը և գարնանը մազերը հատկապես կոլագենի սնուցման կարիք ունեն: Դա կարող եք հասկանալ մազերի գույնով և անխնամ «փափկամազի» տեսքով:
ԺԵԼԱՏԻՆԻՑ ԴԻՄԱԿ․
Հիմնական բաղադրիչը փաթեթավորված ժելատինի փոշին է: Չի կարելի այն շատ տաքացնել: Լրացուցիչ ապրանքներ խառնելու կարիք չկա: Դուք պարզապես պետք է լուծեք փոշին տաք ջրի մեջ և օգտագործեք զանգվածը կիրառման համար: Դիմակը ստացվում է ջրիկ, ուստի խորհուրդ է տրվում այն քսել 3 շերտով՝ խուսափելով աչքերի հետ շփումից:
Անհրաժեշտ բաղադրիչները.
- տաք ջուր կամ կաթ — 1 ճ/գ
- ժելատին — 1 թեյի գդալ
Փոշին լցնել ջրով կամ կաթով ամանի մեջ: Հենց ժելատինը լուծվի, կարող եք զանգվածը քսել մաքուր մաշկին: Երբ մի շերտը մի փոքր չորանա, կիրառեք 2-րդը, ապա 3-րդը: Անհրաժեշտ չէ սպասել մինչև այն ամբողջովին չորանա, հակառակ դեպքում մաշկը խիստ կձգվի, և դրանից միջոցը լվանալը խնդիր կլինի: Դիմակի կիրառման հաճախականությունը՝ շաբաթը մեկ անգամ:
Նյութը հրապարակման պատրաստեց ՆՈՐ ԻՆՖՈ-ն
