Գիտեի՞ք, որ առավոտյան սուրճ խմելն իրականում դանդաղեցնում է Ձեր օրգանիզմի աշխատանքը: Աստիճանաբար մարդը ստանում է կոֆեինի կախվածություն, և ամեն անգամ ցանկալի էֆեկտ ստանալու համար պահանջվում է ավելի ու ավելի մեծ չափաբաժին, ինչպես դա տեղի է ունենում թմրամիջոցների դեպքում։ Մեր օրգանիզմն արտադրում է «կորտիզոլ» հորմոնը, որը նաև կոչվում է «սթրեսի հորմոն»։ Դա պայմանավորված է նրանով, որ կորտիզոլը արտադրվում է հենց սթրեսի կամ վախի վիճակում։
Բայց այս նույն հորմոնը նաև գլխավորն է օրգանիզմի ամենօրյա հորմոնալ ցիկլում՝ կյանքի ամենօրյա ռիթմը։ Հիմնական բանն այն է, որ մեր օրգանիզմը կորտիզոլ է արտազատում, և մենք ավելի զգոն ենք լինում: Գիտական ուսումնասիրությունները ցույց են տվել, որ օրվա ընթացքում կան ժամանակահատվածներ, երբ սուրճ խմելն անտեղի է։ Եվ առաջին հերթին դա վերաբերում է առավոտյան ժամերին, երբ կորտիզոլի մակարդակը հասնում է ամենաբարձր կետին։
Առավոտյան սուրճ խմելը հանգեցնում է երկու խնդրի․
- Նախ, կոֆեինը ազդում է կորտիզոլի արտադրության վրա: Օրգանիզմը սկսում է ավելի քիչ հորմոն արտադրել՝ հենվելով կոֆեինի վրա:
- Երկրորդն այն է, որ կորտիզոլի արտազատման գագաթնակետին սուրճ խմելը երկարաժամկետ կախվածություն է առաջացնում կոֆեինից, ինչի պատճառով էլ շատ սուրճ խմողները պնդում են, որ դա իրենց մոտ չի աշխատում:
Ըստ էության, կոֆեինը փոխարինում է կորտիզոլի կազդուրիչ ազդեցությանը, այլ ոչ թե ուժեղացնում է այն: Օրական երեք անգամ՝ վաղ առավոտյան, մոտ կեսօրին և երեկոյան, կորտիզոլի մակարդակը բարձրանում է։ Ամենամեծ ալիքը տեղի է ունենում առավոտյան 6-10-ը (գագաթնակետը առավոտյան 8-9-ը): Իհարկե, յուրաքանչյուր օրգանիզմ տարբեր է, և ժամանակը կարող է տարբեր լինել՝ կախված նրանից, թե որ ժամին եք արթնանում:
Ընդհանուր առմամբ, սուրճի համար լավագույն ժամերն են առավոտյան 10-ից 12-ը և 14-ից 17-ը: Այս պահին ամենամեծ ազդեցությունը կարող եք ստանալ կոֆեինից։ Այս ժամերին կոֆեինի կարիքն ամենաշատն է, և դրա ընդունումն օրգանիզմ չի խանգարի բնական մեխանիզմին, որը մեզ աշխատանքային վիճակում է պահում։
Երբ մարդիկ ասում են, որ կախվածություն ունեն սուրճից, նրանք իրականում անգիտակցաբար պնդում են, որ իրենց օգտագործած կոֆեինը նվազեցրել է իրենց օրգանիզմում կորտիզոլի ամենօրյա արտադրությունը: Եթե վերը նշված բոլորը վերաբերում են Ձեզ, միգուցե պետք է վերանայել առավոտյան սուրճ խմելու սովորությունը։ Եղեք առողջ:
Նյութը հրապարակման պատրաստեց ՆՈՐ ԻՆՖՈ-ն
