Կիվին գեղեցկության և առողջության համար եզակի մթերք է, որը վերջին տարիներին ավելի ու ավելի է կիրառվում կոսմետոլոգիայում և դրա հումքից կոսմետիկա են պատրաստում։ Կիվիից կարելի է դիմակներ պատրաստել։ Դրանք ունեն ամենանկատելի արդյունքներից մեկը տնական մրգային դիմակների շարքում։
Ինչու՞ եմ դեմքս մաքրում կիվիի կեղևով․
Իհարկե, շատերը սիրում են կիվի միայն այն ուտելու համար, այն նաև շատ օգտակար է, քանի որ մեկ միրգը պարունակում է վիտամին C-ի օրական ընդունման քանակը, որը կարևոր է մաշկի գեղեցկության համար։ Մնացած կեղևը չի կարելի դեն նետել, այլ օգտագործել որպես արտաքին միջոց մաշկի համար։
Ո՞րն է նման ընթացակարգի ազդեցությունը.
- մաշկի վերին շերտի մաքրում,
- հզոր տոնիկ ազդեցություն,
- լաքաների գունափոխում,
- անհարթ հատվածների հարթեցում,
- մուգ հատվածների գունաբացում,
- ծակոտիների մաքրում,
- ծակոտիների նեղացում.
Ինչի՞ շնորհիվ է նման ազդեցությունը․
Ամեն ինչ մրգային թթուների և մեծ քանակությամբ վիտամին C-ի շնորհիվ է: Շատերը հատուկ այցելում են կոսմետոլոգներին և թանկարժեք ապրանքներ են գնում այդ թթուների հիման վրա: Բայց կիվին նաև կարողանում է մաշկին տալ բավականին նկատելի ազդեցություն առաջին օգտագործումից հետո։ Ֆոլաթթվի պարունակությամբ կիվին բրոկկոլիից հետո երկրորդ տեղում է, իսկ ասկորբինաթթվի պարունակությամբ՝ կիտրոնից առաջ։
Ինչպե՞ս օգտագործել․
Կարևոր է հիշել, որ ամբողջ ազդեցությունը պայմանավորված է մրգային թթուներով, այնպես որ մի օգտագործեք կիվի, եթե Ձեր մաշկը բացասաբար է արձագանքում դրանց: Եթե նախկինում չեք փորձել պիլինգներ և այլ թթվային կոսմետիկա, ապա համոզվեք, որ փորձ կատարեք մաշկի փոքր հատվածի վրա։
Նախ պետք է մաքրեք կիվին: Միջուկը կերեք, իսկ կեղևով մաքրեք Ձեր դեմքը։ Նախքան մաքրումը սկսելը, համոզվեք, որ մաքրեք Ձեր դեմքը կոսմետիկ միջոցներից: Ընտրեք նուրբ մաքրող միջոցներ, որպեսզի Ձեր մաշկը չչորանա:
Մաքրված մաշկին դանդաղ քսեք մի կտոր կեղև, ավելի լավ է դա անել շրջանաձև շարժումներով, որպեսզի մաշկի վրա քիչ քանակությամբ հյութ մնա։ Մի քսեք կիվիի հյութը աչքերի շուրջ և շուրթերի հատվածում։ Հյութը թողեք դեմքին 10 րոպե։
Այդ պահին հնարավոր է մեղմ ռեակցիա, որը նման է թթվային պիլինգին (թեթև կարմրություն, քոր): Բայց քանի որ բոլորի մաշկը տարբեր է, մրգի նկատմամբ զգայունությունը տարբեր կլինի։ Ուստի հետևեք Ձեր սեփական զգացմունքներին և հարմարեցրեք ժամանակը Ձեզ համար։
Դեմքը պետք է լվանաք տաք ջրով, առանց օճառի կամ մաքրող միջոցի: Անպայման դեմքին քսեք Ձեր սիրած խոնավեցնող միջոցը։ Մի օգտագործեք թթվային քսուքներ և պիլինգներ, նույնիսկ եթե դրանք խոնավեցնող ազդեցություն ունեն:
Արդեն առաջին պրոցեդուրայից հետո Դուք կարող եք նկատել, որ մաշկը դարձել է տոնավորված, հարթ և քնքուշ։ Կիվին օգնում է ծակոտիները մաքրել, պայծառացնել և նեղացնել դրանք, ինչը դեմքը դարձնում է տեսողականորեն ավելի երիտասարդ և թարմ: Ցանկալի է այս պրոցեդուրան կրկնել ոչ ավելի, քան երկու օր (եթե մաշկը բարակ է և զգայուն, ապա ավելի քիչ):
Նյութը հրապարակման պատրաստեց ՆՈՐ ԻՆՖՈ-ն
