Ծանոթ ուտեստի անսովոր մատուցում: Նախուտեստի այս տարբերակը Սուրբ Ծննդյան զարդեր հիշեցնող գնդիկների տեսքով պատրաստվում է բավականին պարզ, բայց շատ տոնական տեսք ունի։ Այն հիմնված է բավականին մատչելի ապրանքների վրա, բայց ստացվում է շատ համեղ և, որ ամենակարեւորն է, գեղեցիկ։ Ձեր հյուրերը անպայման կգնահատեն դա:
Անհրաժեշտ են հետևյալ բաղադրիչները․
- Պահածոյացված վարունգ — 150 գ
- Ապխտած երշիկ — 150 գ
- Ձու — 6 հատ
- Կարտոֆիլ — 180 գ
- Գազար — 60 գ
- Պահածոյացված ոլոռ — 35 գ
- Մայոնեզ — 60 գ
- Աղ — ըստ ճաշակի
- Աղացած սև պղպեղ — ըստ ճաշակի
Պատրաստման եղանակը․
Լավ է ընտրել խիտ մայոնեզը, որպեսզի գնդիկները լավ պահպանեն իրենց ձևը։ Կարտոֆիլն ու գազարը եփեք մոտ 20-25 րոպե, մինչև փափկի, ապա թողեք սառչի։ Ձվերը եփեք, ապա լցրեք սառը ջրի մեջ և թողեք, որ սառչի։ Երշիկը կտրատեք փոքր խորանարդիկներով։ Վարունգներն անցկացրեք քերիչով և լավ քամեք հեղուկը։ Մաքրեք երկու խաշած ձու և կարտոֆիլի ու գազարի հետ միասին անցկացրեք քերիչով։
Լցրեք խոր ամանի մեջ, ավելացրեք մայոնեզ, աղ և պղպեղ ու լավ խառնեք։ Այս զանգվածից գնդիկներ պատրաստեք՝ մեջտեղում դնելով մոտ 5-7 ոլոռ։ Մնացած ձվերը (4 հատ) մաքրեք, առանձնացրեք սպիտակուցները դեղնուցներից, ու անցկացրեք քերիչով։ Յուրաքանչյուր գնդիկ գլորեք նախ սպիտակուցի մեջ, այնուհետև դեղնուցների մեջ և մատուցեք։ Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն
