Այս բաղադրատոմսով պատրաստված կարկանդակները ստացվում են փքուն և թեթև, երկար ժամանակ պահպանում են թարմությունը:
Անհրաժեշտ բաղադրիչներ.
- ալյուր՝ 2կգ
- խմորիչ՝ 2 տուփ
- ջուր/կաթ՝ 3 բաժակ
- շաքարավազ՝ 8 ճ.գ.
- ձու՝ 5 հատ
- կարագ/մարգարին՝ 250գ
- աղ՝ 3թ.գ.
- ցանկացած միջուկ
Պատրաստման եղանակ.
Տակ կաթին ավելացնել 1ճ.գ. շաքարավազ, խմորիչը և ալյուրի մի մասը, խառնել և թողնել տաք տեղում, որ բարձրանա: Մոտ 15-20 րոպե անց անցնել խմորի պատրաստմանը:
Տաք խառնուրդին լցնել շաքարավազի և աղի հետ հարած ձուն, մնացած ալյուրը, աստիճանաբար ավելացնել հալացրած կարագը և խառնել այնքան ժամանակ, որ խմորը չկպչի ձեռքերին:
Պատրաստի խմորը ծածկել սրբիչով և 1.5-2 ժամ թողնել տաք տեղում: Այդ ընթացքում այն պետք է ձեռքերով խառնել 3 անգամ:
Ստացված խմորը բաժանել փոքր մասերի, ծածկել սրբիչով և թողնել 10 րոպե: Դրանից հետո գրտնակել, միջուկ դնել, ձևավորել կարկանդակներ և դեղնուց քսել:
Թխել նախօրոք տաքացրած ջեռոցում, 200 ջերմաստիճանի ներքո՝ 20 րոպե:
Բարի ախորժակ:
