Այս խմորից կարող եք պատրաստել գրեթե ամեն ինչ․ ամենահամեղ կարկանդակները, բուլկիները, տարբեր միջուկներով պիրոգները, պիցցա․․․ Ուղղակի անթերի բաղադրատոմս։
Խմորը կարող եք պահել սառնարանում 2-3 օր։ Այն փափուկ է, ձեռքերին չի կպչում, իսկ խմորի հետ աշխատելը հաճույք է պատճառում։
Անհրաժեշտ բաղադրիչներ․
- կաթ՝ 500մլ
- ալյուր՝ 5 բաժակ
- շաքարավազ՝ 2ճ․գ․
- աղ՝ 0,5թ․գ․
- ձեթ՝ 2ճ․գ․
- խմորիչ՝ 11գ
Ինչպես պատրաստել խմորը․
Խորը տարայի մեջ լցնել 4 բաժակ ալյուր և խմորիչը։
Աստիճանաբար ավելացնել գոլ կաթը, շաքարավազը, աղը, ձեթը։ Լավ խառնել։ Վերջում լցնել մնացած 1 բաժակ ալյուրը։
Հունցել այնքան, որ չկպնի ձեռքերին։ Շատ ալյուր լցնել պետք չէ։
Խմորը լցնել տոպրակի մեջ և ուղարկել սառնարանը։
Թխել խմորից որևէ մի բան կարող եք 2 ժամ անց։ Սակայն եթե ավելի երկար մնա սառնարանում, ոչինչ չի լինի։
Բարի ախորժակ։
աղբյուր