Ամռան շոգին ավելի լավ բան չկա, քան ճաշին մեկ ափսե սառնապուրը: Այն սննդարար է, նաև թեթև և թարմացնող: Առաջարկում եմ բազուկով սառնապուրի հիանալի բաղադրատոմս:
Բաղադրատոմսում կիրառվում է կիտրոնի հյութ, սա նախընտրելի է: Բայց եթե կիտրոնն առկա չէ, կարող եք փոխարինել քացախով՝ ըստ ճաշակի:
Ինչ է պահանջվում.
2-3 լիտր ջուր,
2 միջին բազուկ,
3 վարունգ,
3-4 ձու,
1 կիտրոն,
Կանաչ սոխ և սամիթ — մի փոքր փնջով,
Թթվասեր — մատուցելու համար,
Աղ, շաքարավազ`ըստ ճաշակի:
Պատրաստումը.
Լվանում ու մաքրում եք բազուկը:
Ջրով լցրեք կաթսան և եփեք:
Մինչ բազուկը կեփվի, հոգ տարեք մյուս բաղադրիչների մասին: Ձուն եփեք այնքան, մինչև պնդանա, սառեցրեք և մաքրեք:
Կտրեք թարմ վարունգները բարակ-բարակ շերտերով:
Կտրեք կանաչ սոխը և սամիթը:
Կանաչիները խառնեք վարունգի հետ:
Երբ բազուկը պատրաստ է, հանեք արգանակից և սառեցրեք սառը ջրի մեջ:
Դրանից հետո այն քերիչով մանրացրեք:
Բազուկի արգանակի մեջ լցնել քերած բազուկը, կիտրոնի հյութը և շաքարավազը: Արգանակն ամբողջովին սառեցրեք: Հարմարության համար կարող եք կաթսան դնել սառը ջրով լի ամանի մեջ:
Մատուցելիս ափսեների մեջ լցրեք կտրտած վարունգը ը կանաչեղենը, ավելացրեք մի փոքր աղ: Վերևից լցրեք բազուկի սառն արգանակը:
Ավելացրեք կես խաշած ձու և թթվասեր:
Պատրա՛ստ է: Այն շատ համեղ է: Բարի՜ ախորժակ:
Նյութը հրապարակման պատրաստեց՝ ՆՈՐ ԻՆՖՈ-ն