Առաջարկում ենք ձմռան համար պատրաստել խաղողի մուրաբա, որպիսի կարողանաք վայելել այս համեղ և օգտակար միրգը՝ նույնիսկ սառը եղանակին:
Անհրաժեշտ բաղադրիչներ.
- խաղող՝ 2կգ
- վանիլին
- ջուր՝ 0.4լ
- շաքարավազ՝ 1.4կգ
- կիտրոնաթթու՝ 2գ
Սկսում ենք պատրաստել.
- Խաղողի հատիկները պոկում ենք, լվանում և չորացնում:
- Կաթսայի մեջ ջուր ենք տաքացնում և լցնում խախղողը: 1 րոպե անց հանում ենք խաղողի հատիկները և լցնում սառը ջրի մեջ:
- Պատրաստում ենք օշարակը. կաթսայի մեջ լցնում ենք շաքարավազն ու ջուրը: Հասցնում ենք եռման աստիճանի և եփում՝ մինչ շաքարավազի լուծվելը: Խաղողի հատիկները լցնում ենք պատրաստի օշարակի մեջ և թողնում 7-8 ժամ:
- Դրանից հետո կաթսան դնում ենք կրակին, հասցնում եռման աստիճանի և եփում 10 րոպե՝ թույլ կրակի վրա: Դրանից հետո թողնում ենք խաղողը ևս 8 ժամ:
- Խաղողը կրկին եփում ենք 10 րոպե և պահում 8 ժամ:
- Երրորդ անգամ եփելու ժամանակ ավելացնում ենք վանիլինն ու կիտրոնաթթուն: Մուրաբան տաք վիճակում լցնում ենք ստերիլիզացված բանկաների մեջ և փակում:
Բարի ախորժակ: