Շատերն են սիրում և պատրաստում ոլոռով ապուր, բայց միշտ էլ հետաքրքիր է իմանալ, թե ինչպես են պատրաստում ականավոր խոհարարները այդպիսի պարզ տնական ուտեստները: Ի վերջո, նրանք գիտեն որոշ գաղտնիքներ, թե ինչպես կարելի է ուտեստն ավելի համեղ դարձնել:
Անհրաժեշտ է․
- Ջուր — 3 լ,
- Ոլոռ — 900 գ,
- Գազար — 200 գր,
- Սոխ — 120 գ,
- Եփած-ապխտած խոզի կողոսկր — 400 գր,
- Դափնու տերև,
- Աղ, պղպեղ՝ ըստ ճաշակի,
- Գազար — 120 գ,
- Կարտոֆիլ — 250 գ,
- Բուսական յուղ — 100 գ,
- Կարագ — 100 գ,
- Մաղադանոս։
Պատրաստումը․
Կաթսայի մեջ լցրեք փոքր քանակությամբ բուսական յուղ, ավելացրեք խոզի կողոսկրերը, կտրատված գազարը, և սոխի չորրորդ մասը:
Լցրեք ոլոռը և մի փոքր տապակեք այս ամբողջ խառնուրդը:
Դրանից հետո լցրեք ջուրը և եփեք մոտ կես ժամ՝ պարբերաբար հեռացնելով փրփուրը:
Հաջորդը կտրեք գազարն ու սոխը խորանարդիկներով, տապակեք բուսական յուղի և կարագի խառնուրդի մեջ:
Կարտոֆիլը նույնպես կտրատեք փոքր խորանարդիկներով:
Կաթսայից հանեք կողոսկրները, երբ դրանք մի փոքր սառչեն, միսը հեռացրեք ոսկորներից, և կտրատեք այն փոքր կտորներով:
Կաթսայի մեջ մնացած ոլոռը, գազարը և սոխը մանրացրեք բլենդերով, մինչև ստացվի համասեռ զանգված:
Դրանից հետո անցկացրեք քամիչով:
Ապուրը դրեք կրակի վրա, ավելացրեք շոգեխաշած գազարը, սոխը և կարտոֆիլը: Ապուրը համեմեք աղով, լցրեք միսը և եփեք այնքան ժամանակ, մինչև կարտոֆիլը պատրաստ լինի:
Մատուցելիս ցանեք կտրատված մաղադանոսը: Պատրաստ է։ Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն
