Պատրաստման համար անհրաժեշտ են հետևյալ բաղադրիչները․
- Ծաղկակաղամբ- 1 փոքր գլուխ
- Լոլիկ- 2 հատ
- Ձու- 3 հատ
- Պանիր-50 գր.
- Կաթ- 6-8 ճ/գ
- Սամիթ- մի քանի ճյուղ
- Բուսայուղ
- Աղ։
Պատրաստմն եղանակը․
Առանձնացրեք ծաղկակաղամբի գլխիկները և մի քանի րոպե խաշեք աղաջրում:
Լոլիկները մի քանի րոպեով թողնեք եռման ջրի մեջ, ապա հեռացրեք կեղևները և կիսալուսնաձև կտրտեք կամ առանձին կտրտած մի քանի րոպե տապակեք բուսայուղի մեջ (ես վերջին ձևով եմ անում):
Ձուն հարեք, ավելացրեք կաթը, աղ, պղպեղ, կտրտած սամիթ և քերած պանիր:
Ձևամանը պատեք բուսայուղով և դրա մեջ շարեք ծաղկակաղամբը՝ արանքներում լցնելով տապակած լոլիկը, վերջում վրան լցրեք ձվի և կաթի զանգվածը:
Դրեք նախապես տաքացված ջեռոցում և թողնեք այնքան, մինչև պանիրը հալվի, իսկ ձուն եփվի: Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն