Շատ պարզ, բայց անչափ համեղ ընթրիք

Պատրաստման համար անհրաժեշտ են հետևյալ բաղադրիչները.

• Կես կիլոգրամ հավի կրծքամիս,
• Սև պղպեղ՝ ըստ ճաշակի,
• Կես թեյի գդալ աղ,
• Կես թեյի գդալ քաղցր պղպեղ,
• Մի քանի լոլիկ՝ կախված չափից,
• Մի քանի սոխ՝ կախված չափից:

Լցոնման բաղադրիչները.

• 100 գ պանիր,
• Երեք ձու,
• Երեք ճաշի գդալ թթվասեր,
• Կես թեյի գդալ աղ:

Պատրաստման եղանակը․

1. Լվացեք միսը և կտրեք խորանարդիկներով: Լցրեք խոր ամանի մեջ:
2. Կտրեք սոխը խորանարդիկներով և տապակեք:
3. Լցրեք սոխը հավի վրա: Ավելացրեք աղ, պղպեղ` ըստ ցանկության և խառնեք:
4. Վերցրեք ձևաման և յուղեք: Տեղադրեք հավի կրծքամիսը:
5. Լոլիկները կտրեք շրջանակներով:
6. Պանիրն անցկացրեք քերիչով:
7. Ձվերը կոտրեք մեկ այլ ամանի մեջ, ավելացրեք պանիր, թթվասեր, աղ, խառնեք և լցրեք մսի վրա:
8. Այժմ բաշխեք լոլիկի շրջանակները և տեղադրեք ջեռոցում, տաքացրեք մինչև 200 °: Թխելու ժամանակը մոտ կես ժամ է: Բարի ախորժակ։

Նյութը հրապարակման պատրաստեց ՆՈՐ ԻՆՖՈ-ն