Հիմնականում բոլորը նախընտրում են իրենց տոնական սեղանին տեսնել տարբեր աղցաններ՝ չհաշված հիմնական կերակուրները: Մենք ուզում ենք Ձեզ հետ կիսվել անչափ համեղ աղցանի բաղադրատմսով, որը շատ արագ է պատրաստվում:
Անհրաժեշտ է․
- Պահածոյացված եգիպտացորեն — 300 գ,
- Ապխտած հավ — 300 գ,
- Կորեական գազար — 200 գ,
- Չամիչ — 60 գ,
- Սխտոր — երկու ատամ,
- Կիտրոնի հյութ — մեկ թեյի գդալ,
- Նարնջի հյութ – երկու ճաշի գդալ,
- Թթվասեր (15-20%) — երեք ճաշի գդալ,
- Մեղր — կես թեյ գդալ,
- Աղ՝ կախված համից:
Պատրաստման եղանակը․
Մանրացրեք հավի միսը և լցրեք խորը ամանի մեջ:
Մնացած բոլոր բաղադրիչները նույնպես լցրեք դրա վրա:
Չամիչները պետք է նախապես շոգեխաշեք, իսկ սխտորը պետք է մանրացնեք մամլիչով:
Խառնեք հյութերը, մեղրը և թթվասերը: Անհրաժեշտության դեպքում ավելացրեք աղ:
Լցրեք աղցանի վրա և լավ խառնեք: Պատրաստ է։ Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն