Ձմռան համար դդմիկով և բրնձով աղցան։ Այն կդառնա ձեր ընտանիքի ամենասիրելի պահածոներից մեկը

Նման նախուտեստ պատրաստելու համար պետք է օգտագործել թարմ լոլիկ։ Բայց տոմատի հյութը նույնպես հարմար կլինի: Աղցանի պատրաստման համար անհրաժեշտ են հետևյալ բաղադրիչները․

  • Դդմիկ 1 կգ
  • Բրինձ 200 գ
  • Գազար 200 գ
  • Բուլղարական պղպեղ 1 հատ
  • Սոխ 200 գ
  • Ջուր 350 մլ

  • Տոմատի հյութ 350 մլ
  • Աղ 1,5 ճ.գ.
  • Շաքարավազ 1,5 ճ.գ.
  • Սխտոր 3 ատամ
  • Արևածաղկի ձեթ 120 մլ
  • Մաղադանոս 1 փունջ
  • Քացախ 2 ճ.գ.

Պատրաստման եղանակը․

Լվացեք բրինձը և եռացրեք մինչև կիսով չափ եփվի։ Մաքրեք սոխը և մանր կտրատեք։ Տապակեք արևածաղկի ձեթով տաքացրած թավայի մեջ 2 րոպե։ Գազարը մաքրեք և անցկացրեք քերիչով և լցրեք սոխի վրա և տապակեք ևս 7-8 րոպե։ Հեռացրեք սերմերը բուլղարական պղպեղից, մանր կտրատեք և լցրեք տապակվող բանջարեղենի վրա: Լավ խառնեք և տապակեք ևս 3-4 րոպե։ Լցրեք լոլիկի հյութը և ջուրը։ Ավելացրեք աղ և շաքարավազ։ Խառնեք բոլոր բաղադրիչները և կրակի վրա պահեք ևս 5 րոպե։ Կտրատեք դդմիկները փոքր խորանարդիկներով:

Մաղադանոսը մանր կտրատեք։ Սխտորն անցկացրեք մամլիչով և ավելացրեք դրանք կաթսայի մեջ: Եփեք մարմանդ կրակի վրա՝ կափարիչով փակված վիճակում։ Այնուհետեւ ավելացրեք բրինձը։ Ամեն ինչ լավ խառնեք և կրակի վրա պահեք ևս 5 րոպե։ Լցրեք 9% քացախը և եփեք ևս 2 րոպե, ապա կաթսան հեռացրեք կրակից։ Աղցանը լցրեք ստերիլիզացված բանկաների մեջ, փակեք և շրջեք դրանք գլխիվայր: Ծածկեք սրբիչով և թողնեք ամբողջովին սառչի։

Նյութը հրապարակման պատրաստեց ՆՈՐ ԻՆՖՈ-ն

Понравилась статья? Поделиться с друзьями: