Պատրաստման համար անհրաժեշտ են հետևալ բաղադրիչները․
- Հավի բուդ — 1 հատ
- Ձու — 2 հատ
- Սոխ — 220 գ
- Բուսական յուղ — 20 մլ
- Ալյուր — 250 գ
- Ջուր — 110 մլ
- Աղ խմորի համար — 2 գ
- Գազար — 60 գ
- Աղ, պղպեղ, կանաչիներ։
Պատրաստման եղանակը․
Հավի միսը լցրեք կաթսայի մեջ՝ սոխի և գազարի հետ միասին և ավելացրեք ջուր։ Եփեք մինչև միսը փափկի, մոտ 45 րոպե։ Արգանակը համեմեք աղով և պղպեղով ըստ ճաշակի:
Պատրաստեք խմորը։ Դեղնուցները հարեք աղ և ջուր ավելացնելով։ Ապա ավելացրեք ալյուրը և հունցեք էլաստիկ խմոր։ Այն պետք է մանրակրկիտ հունցել մոտ 10 րոպե։
Սոխը մանր կտրատեք, տապակեք թավայի մեջ։ Հավի միսն առանձնացրեք ոսկորներից և մանր կտրատեք։ Սոխը խառնեք հավի մսի հետ։ Ավելացրեք աղ, պղպեղ և ձվի սպիտակուց: Խառնեք զանգվածը։ Միջուկը պատրաստ է։
Խմորը բարակ գրտնակեք, ապա դանակով կտրատեք 5 — 6 սմ չափով քառակուսիների, յուրաքանչյուր քառակուսու վրա դրեք միջուկը և փակեք։ Արգանակը եռացրեք։
Պելմենիները լցրեք եռացող արգանակի մեջ և թողեք եփվի մի քանի րոպե։ Լցրեք մատուցման ափսեի մեջ, զարդարեք կանաչիերով և ըստ ցանկութան կարող եք ավելացնել նաև թթվասեր։
Անսովոր ուտեստ՝ Ձեր ամենօրյա սննդակարգը դիվերսիֆիկացնելու համար և կատարյալ է ընտանեկան փոքրիկ տոնակատարություններին կամ ընթրիքի համար: Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն