Այս կուլիչի բաղադրատոմսը պատկանում է իտալական խոհանոցին և կոչվում է «Կոլոմբա»: Համարվում է իտալական ավանդական թխվածք, որը պատրաստում են Սուրբ Զատիկին:
Անհրաժեշտ բաղադրիչներ.
- 80գ կարագ
- 70գ չամիչ
- 1 հատ կիտրոն
- 1 հատ նարինջ
- 3 հատ ձու
- 1 տուփ վանիլին
- 280գ ալյուր
- 70գ նուշ
- 130գ շաքարավազ
- մի պտղունձ ծովի աղ
- 15գ խմորիչ
- 120մլ կաթ
Սկսում ենք պատրաստել.
- Սկզբի համար տաքացնում ենք կաթը՝ մինչ 40 աստիճան: Ավելացնում ենք աղը, 1ճ.գ. շաքարավազ և թարմ խմորիչ: Խառնում ենք՝մինչ միասեռ զանգված ստանալը: Թողնում ենք 10 րոպե:
- Հալեցնում ենք կարագը և թողնում, որ սառի:
- Լվանում ենք չամիչը, ավելացնում տաք ջուր և թողնում 15 րոպե: Ինչից հետո քամիչի մեջ ենք լցնում, որպիսի ջուր չմնա: Հետո չորացնում ենք չամիչը:
- Մաքրում ենք նարինջն ու կիտրոնը: Առանձին տարայի մեջ քամում ենք դրանց հյութը:
- Այժմ առանձին տարայի մեջ հարում ենք 2 ձու և 1 դեղնուց: Ավելացնում ենք նախապատրաստած հյութը:
- Քերում ենք մրգերի կեղևը և ավելացնում 55գ շաքարավազ: Նաև վանիլին և մի քիչ աղ:
- Խառնուրդի մեջ լցնում ենք մաղած ալյուր և մեջտեղում փոսիկ ենք բացում:
- Այստեղ լցնում ենք խմորիչով կաթը, հետո ձվային խառնուրդը, հալած կարագը և չամիչը: Մոտ 10 րոպե հունցում ենք:
- Թողնում ենք տաք տեղում՝ մոտ 2 ժամ: Երբ լրանա 1 ժամը, ևս մի անգամ հունցում ենք խմորը:
- Վերցնում ենք թխելու ֆորման, կարագ ենք քսում, լցնում ենք խմորը և հավասարաչափ բաշխում: Կրկին թողնում ենք տաք տեղում՝ մոտ կես ժամ:
- Դնում ենք 160 աստիճան տաքացրած ջեռոցը: Թխվում է մոտ 50-60 րոպե:
- Այժմ բլենդերով մանրացնում ենք նուշն ու 50գ շաքարավազ:
- Հարում ենք սպիտակուցն այնպես, որ սպիտակ փրփուր դառնա և միացնում ենք մանրացրած նուշի հետ: Զգույշ խառնում ենք:
- Երբ կուլիչը սառի, ծածկում ենք այն սպիտակ ջնարակով և զարդարում նուշով: