Աղցանի պատրաստման համար անհրաժեշտ են հետևյալ բաղադրիչները
- Հավի ֆիլե — 250-300 գ
- Սոխ — 1 հատ
- Գազար — 1 հատ
- Մարինացված վարունգ — 3-4 հատ
- Սխտոր 2-3 պճեղ
- Աղ, պղպեղ — ըստ ճաշակի
- Մայոնեզ — 2-3 ճաշի գդալ
- Բուսական յուղ — տապակելու համար
Պատրաստման եղանակը․
Սոխը կտրատեք կիսաշրջանաձև և տապակեք փոքր քանակությամբ բուսայուղով։ Գազարն անցկացրեք քերիչով և տապակեք սոխի հետ։ Տապակած սոխն ու գազարը լցրեք խոր ամանի մեջ և թողեք, որ սառչի։ Թթու վարունգը և խաշած հավի կրծքամիսը կտրատեք շերտերով։ Կարող եք վերցնել ցանկացած միս կամ կարող եք փոխարինել լյարդով կամ լեզվով։
Այսպես էլ շատ համեղ կստացվի։ Բաղադրիչներին ավելացրեք մանր կտրատած սխտոր, աղ, պղպեղ, մայոնեզ և խառնեք։ Աղցանը պատրաստ է, կարող եք մատուցել։ Եթե ես տոնական սեղանի համար եմ պատրաստում այս աղցանը, ապա առանձին-առանձին մի կողմ եմ դնում գազարով տապակած սոխը և կտրատած վարունգը, իսկ մատուցելուց առաջ դրանցով զարդարում եմ աղցանը։ Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն
