Տոնական սեղանի յուրօրինակ ու արտասովոր նախուտեստ՝ հավի մսով հրուշակ: Սերուցքի շնորհիվ ուտեստը շատ նուրբ է, և սունկն այն ավելի հագեցնող է դարձնում: Բոլոր բաղադրիչները հիանալի կերպով համադրվում են միմյանց հետ, ուստի հավով հրուշակը աստվածային համ ունի: Բոլոր հյուրերը ուրախ կլինեն այս խորտիկով:
Ինչ բաղադրիչներ են պահանջվում.
- Հավի ֆիլե — 400-500 գ,
- Մեկ ձու,
- Թարմ շամպինիոն — 300 գ,
- Մեկ սոխ,
- Սերուցք`11% յուղայնությամբ` 300 գ,
- Մեկ պճեղ սխտոր,
- Կարագ — 30-40 գ,
- Մի փունջ մաղադանոս,
- Պղպեղ, աղ, հավի համեմունքներ՝ ըստ ճաշակի:
Անցնենք պատրաստման գործընթացին.
Ֆիլեից պատրաստեք խճողակ՝ Ձեզ համար հարմար ցանկացած եղանակով: Համեմեք աղով, պղպեղով և հավի համեմունքներով:
Աղացած մսի մեջ հարած ձու, սառը վիճակում սերուցք լցրեք և խառնեք: Պետք է ստացվի նրբաբլիթի խմորի նման խիտ խառնուրդ:
Մաղադանոսը մանր կտրատեք և խառնեք աղացած մսի հետ:
Յուղաթերթիկը փռեք ձևամանի վրա և հավասարապես տարածեք խճողակն ամբողջ մակերեսի վրա:
Նախապես միացրեք վառարանը 180-200 °: Թխել 15-20 րոպե:
Այդ ընթացքում մանր կտրատեք սունկը և սոխը:
Տաք թավայի մեջ մի կտոր կարագ դրեք և մի քանի րոպե տապակեք սոխը մինչև փափկելը:
Դրանից հետո շամպինիոնները տեղադրեք տապակի մեջ և տապակեք այնքան ժամանակ, մինչև ամբողջ խոնավությունը դուրս գա: Պատրաստի բանջարեղենը տեղափոխեք ափսեի մեջ և թողեք, որ սառչի:
Խառնեք սունկն ու սոխը, հալվող պանիրը: Խառնուրդը համեմեք աղով, պղպեղով և ճզմեք սխտորը: Խառնեք:
Հվի մսով պատրաստի շերտը կիսեք: Սնկով կրեմը տարածեք երկու շերտերի վրա:
Առաջին շերտը դրեք երկրորդի վրա, այնպես, որ սերուցքը վերևում լինի:
Տեղադրեք սառնարանում 40 րոպե, որպեսզի հետո հեշտ լինի հրուշակը կտրելը:
Մատուցելուց առաջ զարդարեք կանաչիներով և շամպինիոնի գլխիկներով:
Նյութը հրապարակման պատրաստեց ՆՈՐ ԻՆՖՈ-Ն