Պատրաստման համար անհրաժեշտ են հետևյալ բաղադրիչները․
- Հավի աղացած միս — 500 գրամ
- Սոխ — 2 հատ միջին չափի
- Ձու — 2 հատ
- Ալյուր — 100 գրամ
- Աղ, պղպեղ — ըստ ճաշակի
- Համեմունքներ — ըստ ճաշակի
- Բուսական յուղ — տապակելու համար:
Պատրաստման եղանակը․
Պատրաստի աղացած մսի մեջ անհրաժեշտ է ավելացնել սոխ, որը նախապես մանրացված է մսաղացով կամ բլենդերով:
Աղացած միսը համեմեք աղով, ավելացրեք համեմունքներ, պղպեղ:
Մանրակրկիտ խառնեք և թողեք 15-20 րոպե: Այս ժամանակը միանգամայն բավական է, որպեսզի աղացած միսը ներծծի աղի և համեմունքների բույրը:
Միևնույն ժամանակ, ձվերը կոտրեք առանձին ամանի մեջ, ավելացրեք մեկ պտղունց աղ և խառնեք այնքան, մինչև համասեռ զանդված ստացվի:
Ալյուրը լցրեք առանձին ափսեի մեջ: Տապակը դրեք կրակի վրա, լցրեք բուսական յուղ։ Եվ հիմա այն հնարքը, որի շնորհիվ իմ կոտլետները շատ համեղ և հյութալի են ստացվում.
- Անհրաժեշտ է կոտլետներ ձևավորել, դրանք չպետք է չափազանց մեծ լինեն, բայց ոչ շատ փոքր:
- Նախ, յուրաքանչյուր կոտլետ պետք է բոլոր կողմերից թաթախեք ալյուրի մեջ:
- Հետո թաթախեք հարած ձվերի մեջ և անմիջապես դնեք տապակի մեջ և տապակեք:
Դրանք շատ համեղ ու հյութալի կդառնան: Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն
