Այսօր Ձեզ համար հեշտ չի լինելու, դա նրանից է, որ բաղադրիչները բազմազան են: Բայց ճաշակի ինչպիսի՜ հզոր բույլ: Ամենակարևորն այն է, որ մենք դա անելու ենք առանց ջեռոցի, ինչը որոշ դեպքերում նախընտրելի տարբերակ է: Այսօրվա ճաշացանկում հավի կրծքամսով խմորեղենն է:
Շերտավոր խմորով և մսով կարկանդակ․
Բաղադրիչները խմորի համար․
- 400 գ հավի ֆիլե
- 450 մլ մածուն
- 2 ձու
- 100 գ ցորենի ալյուր
- 1 թեյի գդալ փխրեցուցիչ
- 1 թեյի գդալ աղ և պղպեղ
- Մի պտղունց մշկընկույզ։
Միջուկի բաղադրիչները․
- 250 գ մայոնեզ
- 200 գ հալվող պանիր
- 2 թթու վարունգ
- 15 կանաչ ձիթապտուղ
- 3 ատամ սխտոր
- 1 միջին փունջ կանաչ սոխ։
Շերտավոր խմորով մսով կարկանդակ․
Հավի կրծքամիսը կտրտել և լցնել բլենդերի մեջ, անմիջապես ավելացնել մշկընկույզ, աղ և պղպեղ: Մանրացնել, ապա ձվերը հարել, լցնել զանգվածի մեջ, ավելացնել մածուն և ալյուր: Ամեն ինչ լավ խառնել, մինչև համասեռ դառնալը:
Թավան դնել գազօջախին, յուղապատել և նրբաբլիթներ թխել՝ 7–8 հատ: Տապակել դրանք երկու կողմերից: Այնուհետև պատրաստել միջուկը, մինչը դրանք կսառչեն: Վարունգն անցկացնել քերիչով և քամել հեղուկը: Նույն կերպ՝ ձիթապտուղը և հալվող պանիրը:
Միջուկը գրեթե պատրաստ է, մնում է միայն մայոնեզ, կանաչեղեն և սխտոր ավելացնել: Երբ ամեն ինչ պատրաստ է, հավաքեք տորթը: Բոլոր նրբաբլիթների վրա տարածել միջուկը, որպեսզի հավասար լինի: Դնել իրար վրա: Զարդարել տորթը քերած պանրով: Տեղադրել սառնարանում մոտ մեկ ժամով: Պատրա՛ստ է:
Մատուցելուց առաջ կտրտեք, որ ստիպված չլինեք դա անել սեղանի մոտ: Այն կարելի է ավելի փափուկ դարձնել`մայոնեզը թթվասերով փոխարինելով: Անպայման վերահսկեք պղպեղի, աղի և այլ համեմունքների քանակը:
Շերտավոր խմորով մսով կարկանդակն արդեն պատրաստ է, մաղթում ենք բարի ախորժակ:
Նյութը հրապարակման պատրաստեց՝ ՆՈՐ ԻՆՖՈ-ն
