Հավի կրծքամիսը պատրաստում եմ անսովոր եղանակով (շատ համեղ և առանց կողմնակի ուտեստի)

Պատրաստման համար անհրաժեշտ են հետևյալ բաղադրիչները․

• 500 գր հավի կրծքամիս,
• 2 հատ հաց,
• 1 հատ լոլիկ,
• 1 հատ սոխ (փոքր),
• 1 հատ ձու,
• 100 գ կոշտ պանիր,
• 1 ճ․գ․ մայոնեզ,
• 1 կտոր կարագ,
• Աղացած պղպեղ` ըստ ճաշակի,
• Աղ` ըստ ճաշակի։

Պատրաստման եղանակը․

1. Հավի կրծքամիսը կտրեք ոչ շատ փոքր կտորներով և լցրեք ամանի մեջ:
2. Հեռացրեք սերմերը լոլիկից, հակառակ դեպքում շատ հեղուկ կլինի և կտրեք խորանարդիկներով: Սոխն անցկացրեք քերիչով և լցրեք ամանի մեջ, ավելացրեք ձուն և մայոնեզը (կարելի է փոխարինել թթվասերով):
3. Ավելացրեք աղ ու պղպեղ և լավ խառնեք:
4. Պատրաստելու համար ես վերցնում եմ փոքրիկ հացեր (երկարությունը մոտ 16 սմ): Դրանք կիսով չափ կիսեք, վերին մասերը մի փոքր կտրեք, և հանեք միջուկը:
5. Պատրաստի բոքոններին քսեք փափկեցրած կարագ և լցրեք հավի ֆիլեն։
6. Վերևից ցանեք քերած պանիր ​​և թխեք ջեռոցում 200 աստիճան տաքությամբ մոտ 30 րոպե:
7. Պանիրը հալվելուն ու կարմրելուն պես հանեք ուտեստը ջեռոցից և մատուցեք: Բարի ախորժակ։

Նյութը հրապարակման պատրաստեց ՆՈՐ ԻՆՖՈ-ն