Շատ համեղ և գոհացնող ընթրիք, որը պատրաստվում է սովորական մթերքներից: Կարտֆիլով և աղացած մսով ջեռեփուկ
Անհրաժեշտ է․
- Մաքրած կարտոֆիլ – 500 գ,
- Կարագ – 30 գ,
- Կաթ կամ սերուցք – 70 մլ,
- Ձու – 2-3 հատ,
- Աղացած միս (խոզի միս, հնդկահավ) – 250 գ,
- Դդմիկ – 1\4 հատ,
- Սոխ – 1\4 հատ,
- Սխտոր – 2-3 ատամ,
- Թթվասեր – 4 ճ․գ․,
- Կոշտ պանիր – 30 գ,
- Աղ, աղացած պղպեղ, համեմունքներ ըստ ճաշակի,
- Չորահացի փոշի, ձիթապտղի յուղ – կոլոլակների համար։
Պատրաստումը․
Աղացած մսի վրա լցրեք ձու և քերած դդմիկ, որը նախապես պետք է ճզմեք, որպեսզի ազատվեք ավելորդ հյութից:
Լցրեք աղ, աղացած պղպեղ , եթե սիրում եք համեմունքներ, ապա կարող եք ավելացնել։ Խառնեք, և պատրաստեք համասեռ զանգված։
Թաց ձեռքերով պատրաստեք ձվի չափ ունեցող կոլոլակներ:
Մսի կոլոլակները թեթև տապակեք բուսական յուղի մեջ,երկու կողմերից:
Կլպված կարտոֆիլները եփեք, ջրի մեջ մի փոքր աղ ավելացրեք:
Եփված կարտոֆիլները ճզմեք, պատրաստեք պյուրե, ավելացրեք կաթ ու կարագ։
Կարտոֆիլի վրա լցրեք երկու ձու և լավ խառնեք մինչև ստացվի համասեռ զանգված։ Անհրաժեշտության դեպքում ավելացրեք նաև աղ։
Ջեռոցի տապակի վրա քսեք կարագ կամ մարգարին և շաղ տվեք պաքսիմատ:
Դրա մակերեսին տարածեք կարտոֆիլի պյուրեն և դասավորեք կոլոլակներն այնպես, ինչպես Ձեզ հարմար է։
Մի ամանի մեջ խառնեք ցածր յուղայնությամբ թթվասեր, ճզմած սխտոր, նուրբ քերած պանիր, համեմունքներ և խառնեք:
Այդ զանգվածով ծածկեք պյուրեն և կոլոլակները։ Դրեք նախապես տաքացված ջեռոցում 180 աստիճանի տակ` 20-25 րոպե:
Կարտֆիլով ուտեստը՝ մսի կոլոլակներով պատրաստ է։ Այսպիսի ուտեստը համեղ կլինի նաև հաջրդ օրը, եթե այն տաքացնեք միկրոալիքային վառարանում։ Բարի ախորժակ․․․
Նյութը հրապարակման պատրաստեց՝ ՆՈՐ ԻՆՖՈ-ն