Կողմնակի ճաշատեսակների շարքում կարտոֆիլը գրեթե անհամեմատելի է: Այն մատուցվում է ձկան, հավի և մի շարք այլ ուտեստների հետ: Եթե Դուք դեռ դրանք պարզապես տապակում եք կամ պատրաստում եք խյուս, ուրեմն խորհուրդ ենք տալիս փորձել մեր կողմից առաջարկվող տարբերակը:
Անհրաժեշտ է․
- Կարտոֆիլ 5 հատ,
- Քացախ 1 ճ․գ․,
- Արևածաղկի ձեթ 3 ճ․գ․,
- Սխտոր 5 ատամ,
- Դափնու տերև 4 ճ․գ․,
- Չորացրած ռեհան՝ ըստ ճաշակի,
- Ռոզմարին՝ ըստ ճաշակի։
Պատրաստումը․
Ջուրը եռացրեք, իսկ այս ընթացքում ընտրեք միջին չափի կարտոֆիլ, մաքրեք կեղևները և լվացեք դրանք:
8 րոպե եփեք ամբողջ կարտոֆիլը եռացող ջրի մեջ:
Այժմ անհրաժեշտ է այն չորացնել. Ջուրը քամեք և կարտոֆիլը կես րոպե տաքացրեք կաթսայի մեջ միջին կրակի վրա:
Կարտոֆիլը տեղափոխեք փայլաթիթեղով պատրաստված ձևամանի մեջ, որը պետք է նախապես յուղված լինի կարագով (2 ճաշի գդալ): Պատրաստեք նախապես տաքացված ջեռոցում 200 աստիճանի տակ 25 րոպե:
Այս ընթացքում պատրաստեք կծու խառնուրդ. Մեկ գդալ կարագը խառնեք քացախի և համեմունքների հետ: Սխտորը կարելի է կտրատել կամ թողնել անձեռնմխելի:
Սեղմեք կարտոֆիլը, որպեսզի դրանք մի փոքր հարթվեն: Շաղ տվեք պատրաստված խառնուրդը և թխեք ևս 30 րոպե:
Այս եղանակով պատրաստված կարտոֆիլը ձեռք է բերում բուրավետ ոսկե ընդերք: Միևնույն ժամանակ, ներսը դառնում է թեթև ու քնքուշ, ինչպես կարտոֆիլի պյուրեն:
Նման կողմնակի ճաշատեսակը ներդաշնակ տեսք կունենա ինչպես ընտանեկան ընթրիքի, այնպես էլ տոնական խնջույքի ժամանակ: Համոզված եղեք, որ այն ակնթարթորեն կգրավի հյուրերի ուշադրությունը:
Նյութը հրապարակման պատրաստեց ՆՈՐ ԻՆՖՈ-ն