Սովորաբար, երբ սխտորով կարկանդակը հանում եմ ջեռոցից, ամբողջ ընտանիքս հավաքվում է խոհանոցում: Չէ՞ որ պարզապես անհնար է դիմակայել այս խմորեղենի բույրին:
Պանրի, կանաչեղենի, սխտորի և շատ նուրբ խմորի համադրությունը կատարյալ է սովորական լանչի կամ տոնական ընթրիքի համար: Իսկ բորշով: Հա՛ էլ կուտեի…
Կանաչեղենով և պանրով կարկանդակ․
Բաղադրությունը․
- 300 մլ տաք կաթ
- 500 գ ալյուր
- 11 գ չոր խմորիչ
- 1 թեյի գդալ շաքարավազ
- 1 թեյի գդալ աղ
- 4 ճ. գդալ ձիթայուղ
- 1 փունջ սամիթ
- 1 գլուխ սխտոր
- 200 գ կարագ
- 200 գ պանիր
- Թխելու համար ուղղանկյուն ձևաման՝ 25 x 11 սմ։
ՊԱՏՐԱՍՏՈՒՄԸ․
Լցնել տաք կաթն ամանի մեջ, ավելացնել խմորիչն ու շաքարավազը, խառնել, ծածկել սննդի փաթեթավորման տոպրակով և թողնել 10 րոպե:
Դրանից հետո հանել այն, խառնել և ավելացնել մաղած ալյուրը: Խմորը սեղանին դնելուց առաջ ավելացնել 300-350 գրամ ալյուր, իսկ մնացածը ցանել սեղանի վրա:
Պատրաստի խմորը տեղափոխել ամանի մեջ, լցնել ձիթապտղի յուղը և լավ հունցել: Դրանից հետո ծածկել պլաստիկ ծածկոցով և թողնել 1 ժամ:
Այդ ընթացքում սամիթը մանրացնել բլենդերով, ավելացնել կարագը և լավ խառնել:
Խմորը բացել բարակ շերտով և խճողակը տարածել ամբողջ մակերևույթի վրա:
Խմորը գլորելով գլանափաթեթ (ռուլետ) դարձնել: Երկայնքով կտրել 2 մասի, հյուսել, այնուհետև միացնել ծայրերը:
Այնուհետև տեղափոխել բուսական յուղով պատված տապակի մեջ:
Քերած պանիր ցանել վրան, ծածկել սրբիչով և թողնել 30 րոպե:
Թխել 180 աստիճանում նախապես տաքացրած ջեռոցի մեջ 30-35 րոպե:
Վերջ, սխտորով, պանրով կարկանդակը պատրաստ է: Բարի՜ ախորժակ:
Նյութը հրապարակման պատրաստեց՝ ՆՈՐ ԻՆՖՈ-ն
