Նույնիսկ կաղամբ չսիրողները հաստատ կուտեն այս կոտլետները, քանի որ այն շատ համեղ է ստացվում։ Խորհուրդ եմ տալիս անպայման պահպանել այս բաղադրատոմսը և պատրաստել։ Հաստատ չեք փոշմանի։
Անհրաժեշտ են հետևյալ բաղադրիչները․
- Կաղամբ — 400-500 գր
- ձու — 2 հատ
- թթվասեր — 2 ճաշի գդալ
- ալյուր — 3-4 ճաշի գդալ
- սոդա — 0,5 թեյի գդալ
- աղ՝ ըստ ճաշակի
- պղպեղ՝ ըստ ճաշակի
- կանաչի ըստ ցանկության
- բուսայուղ տապակելու համար
Պատրաստման եղանակը․
Հիմնական բաղադրիչը՝ կաղամբը, պետք է մանր կտրատեք։ Այնուհետև տապակեք կամ շոգեխաշեք մի փոքր ջրով 5-8 րոպե։ Եթե այն պատրաստեք հում կաղամբով, այն տապակելու ժամանակ չի ունենա և հում կմնա։ Հետևաբար, նախ պետք է մի փոքր շոգեխաշեք կաղամբը։ Թողեք կաղամբը մի փոքր սառչի և քամեք ավելորդ հեղուկը։ Ավելացրեք թթվասեր, ձու, աղ՝ ըստ ճաշակի։
Դուք կարող եք ավելացնել նաև կանաչի և համեմունքներ: Այնուհետև լցրեք սոդայի հետ խառնած ալյուրը և ամեն ինչ լավ խառնեք։ Կաղամբի զանգվածը գդալով լցրեք թավայի մեջ և տապակեք թույլ կրակի վրա երկու կողմից մինչև ոսկեգույն ստացվի (մոտ 3 րոպե յուրաքանչյուր կողմից)։ Համեղ և հյութալի կոտլետները պատրաստ են։ Մատուցեք տաք վիճակում թթվասերի կամ ցանկացած այլ սոուսի հետ միասին։ Անպայման փորձեք, այն իսկապես շատ համեղ է: Բարի ախորժակ:
Նյութը հրապարակման պատրաստեց ՆՈՐ ԻՆՖՈ-ն
