Պատրաստման համար անհրաժեշտ են հետևյալ բաղադրիչները․
- 250 գր – ալյուր,
- 300 գր – կաթնաշոռ,
- 2 հատ – ձու,
- 5 ճաշի գդալ շաքարավազ
- ½ թեյի գդալ – սոդա,
- ½ թեյի գդալ – աղ,
- Վանիլին, շաքարի փոշի,
- 1 թեյի գդալ — 9% քացախ,
- Բուսական յուղ տապակելու համար։
Պատրաստման եղանակը․
- Ձվերը և շաքարավազը հարեք խորը ամանի մեջ։
- Դրանից հետո ավելացրեք կաթնաշոռ և օգտագործելով բլենդեր խառնեք այնքան, մինչև համասեռ զանգված ստացվի: Լցրեք աղ և վանիլին։
- Սոդան մարեք քացախով, ավելացրեք մեր զանգվածի մեջ և լավ խառնեք։
- Աստիճանաբար ավելացրեք մաղած ալյուրը և խմորը հունցեք և կտրեք հավասար մասերով։
- Յուրաքանչյուր կտորից ստացեք ընկույզի չափ ունեցող գնդիկներ։
- Կաթսայի մեջ տաքացրեք բուսական յուղը և տապակեք պոնչիկներն այնքան, մինչև ոսկեգույն ստացվեն։
- Մատուցելուց առաջ շաղ տվեք շաքարի փոշի։ Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն