Խնձորով կարկանդակի պատրաստման համար անհրաժեշտ ե հետևյալ բաղադրիչները,
- Խնձոր 4 հատ
- Ցորենի ալյուր 1 բաժակ
- Շաքարավազ 150 գ
- Ձու 5 հատ
- Վանիլային շաքարավազ 15 գ
- Թթվասեր 60 գ
- Կարագ 100 գ
- Փխրեցուցիչ 10 գ
- Շաքարավազ ըստ ճաշակի
- Դարչին ըստ ճաշակի
- Աղ ըստ ճաշակի
Պատրաստման եղանակը․
Նախ պատրաստենք խմորը։ Ձվերը կոտրեք խորը ամանի մեջ: Դրանց վրա շաքարավազ լցրեք և հարելք։ Ավելացրեք մի պտղունց աղ և հալված կարագ։ Կրկին խառնեք։ Այժմ զանգվածին ավելացրեք թթվասերն ու վանիլինը։ Խառնեք բաղադրիչները մինչև ստացվի համասեռ զանգված: Ալյուրը խառնեք փխրեցուցիչի հետ և մաղելով լցրեք հեղուկ զանգվածով ամանի մեջ և հունցեք փափուկ խմոր։
Մաքրեք խնձորների կեղևները և միջուկը։ Կտրատեք շերտերով կամ մեծ խորանարդիկներով: Խնձորները լցրեք խմորի մեջ և խառնեք։ Թխելու համար նախատեսված ձևամանը ծածկեք յուղաթղթով: Խմորը լցրեք դրա մեջ և հավասարաչափ տարածեք։ Թխեք 180 աստիճանի տակ տաքացրած ջեռոցում մոտ 20 րոպե։
Ժամանակը կախված է ձևամանի չափից: Ամեն դեպքում թխելու պատրաստակամությունը կարող եք ստուգել փայտիկով։ Մի քանի րոպե թողեք պատրաստի կարկանդակը սառչի և մատուցեք։ Կարող եք նաև շաղ տալ շաքարի փոշու և դարչինի խառնուրդ։ Ի դեպ, բաղադրատոմսում խնձորները կարող եք փոխարինել հատապտուղներով։ Բայց դրանց վրա նախ պետք է օսլա ցանել, որպեսզի հյութը մնա ներսում։ Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն
