ԽՍՀՄ-ի տարիներից այս արտասովոր աղցանը պատրաստվում է սովորական մթերքերից և տոնական և աշխատանքային օրերին: Այն շատ ախորժելի տեսք ունի։ Հետաքրքիրն այն է, որ նույնիսկ նրանք, ովքեր շատ չեն սիրում լյարդը, ուտում են այն:
Պատրաստման համար ահրաժեշտ են հետևյալ բաղադրիչերը․
- Խոզի լյարդ — 400 գրամ
- Մարինացված վարունգ — 4 հատ
- Եփած ձու — 4 հատ
- Գազար — 2 հատ
- Սոխ — 2 հատ
- Բուսական յուղ — 2 ճաշի գդալ
- Մայոնեզ — 100 մլ
- Աղ — 2-3 պտղունց
Պատրաստման եղանակը․
Լյարդը եփելուց 2-3 ժամ առաջ թրջեք կաթի կամ ջրի մեջ։ Այնուհետև եփեք մոտ 25-30 րոպե և սառեցրեք։ Եփեք գազարն ու ձվերը, նույնպես սառեցրեք։ Դա կարելի է անել նախապես, օրինակ՝ երեկոյան կամ առավոտյան։ Մաքրեք սոխը, կտրատեք փոքր խորանարդիկներով և տապակեք բուսայուղի մեջ այնքան, մինչև ոսկեգույն ստացվի: Թողեք սառչի մոտ 10-15 րոպե։ Վարունգները կտրատեք խորանարդիկներով և 5-10 րոպեով լցրեք ջրի մեջ, որպեսզի աղաջուրը դուրս գա։ Եփած ձվերը մաքրեք և առանձնացրեք դեղնուցներն ու սպիտակուցները։ Սպիտակուցներն անցկացրեք քերիչով, իսկ դեղնուցները մեկ այլ տարայի մեջ մանր կտրատեք։
Եփած գազարն անցկացրեք քերիչով։ Եփած լյարդը կտրատեք խորանարդիկներով և լցրեք ամանի մեջ։ Ավելացրեք աղ և մայոնեզ։ Տապակած սոխը հավասար շերտով լցրեք լյարդի վրա։ Սոխի շերտի վրա լցրեք վարունգը։ Այնուհետև լցրեք սպիտակուցային շերտը, թեթև համեմեք աղով և մայոնեզով։ Լցրեք գազարի ևս մեկ շերտ և նորից համեմեք աղով և մայոնեզով: Մանրացված դեղնուցները լցրեք վերջին շերտի վրա և համեմեք աղով։ Զարդարեք աղցանը ձեր ցանկությամբ և 1-2 ժամով դրեք սառնարանում, ապա մատուցեք։ Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն
