Ներկայացնում ենք կիևյան կոտլետների իսկական բաղադարտատոմսը, որով պատրաստելու դեպքում կունենաք անթերի, հյութեղ և համեղ ուտեստ։
Անհրաժեշտ բաղադրիչներ՝ 6 բաժին պատրաստելու համար․
- հավի փափկամիս՝ 3 կտոր
- կարագ՝ 60-80գ
- սամիթ՝ 1 կապ
- ձու՝ 2-3 հատ
- պաքսիմատ՝ 200գ
- ալյուր
- ձեթ
- աղ, համեմունքներ
Պատրաստման եղանակ․
Հավի 3 փափկամիսը լվանալ, չորացնել, կտրել ավելորդությունները։
Յուրաքանչյուր կտորը բաժանել 2 շերտի։ Երեք փափկամսից ստացվում է 6 հավասար կոտլետ։
Միսը ծեծել հատուկ մուրճով՝ որքան հնարավոր է բարակացնելով։ Որպիսի միսը չպատռվի ծեծելու ընթացքում, կարող եք այն դնել տոպրակի մեջ։
Կարագը հանել սառնարանից և կտրել երկարությամբ՝ 6 հավասար մասերի։ Երբ կարագը փափկի, խառնել մանր կտրատած կանաչիի հետ, մի քիչ աղ ավելացնել, ցանկության դեպքում էլ՝ 1 պճեղ ճզմած սխտոր։
Լավ խառնել կարագն ու կանաչին, փաթաթել սննդային տոպրակով և 30 րոպե պահել սառցարանում։
Ծեծած փափկամիսը համեմել աղով, համեմունքներով։ Կարագը բաժանել 6 մասի։
Յուրաքանչյուր կտորը փաթաթել մսի շերտով։
Թաթախել ալյուրի մեջ և մի քանի րոպեով ուղարկել սառնարանը, որպիսի միսը սառի և լավ պահի ձևը։
Երկրորդ ափսեի մեջ հարել ձուն, առանձին ափսեի մեջ էլ լցնել պաքսիմատը, որին նախօրոք կարող եք համեմունքներ, նաև քրքում ավելացնել՝ անուշ բույր և գեղեցիկ ոսկեգույն ստանալու համար։
Յուրաքանչյուր ռուլետը թաթախել ձվի մեջ, հետո՝ պաքսիմատի։ Դրանից հետո կրկին ձվի և կրկին պաքսիմատի մեջ։ Ցանկալի է կրկին թողնել սառնարանում՝ 10-15 րոպե։
Թավայի մեջ ձեթ լցնել այնքան, որ ծածկվի կոտլետների առնվազն կեսը։ Պատրաստի կոտլետը դնել անձեռոցիկի վրա։ Իսկ հետո ուղարկել տապակի մեջ և եփել տաքացրած ջեռոցում 180 ջերմաստիճանի ներքո՝ 15-20 րոպե։
Ահա և վերջ։ Կիևյան կոտլետները պատրաստ են։
Բարի ախորժակ։
