Այս պարզ, բայց շատ անսովոր բաղադրատոմսով աղցանը անպայման դուր կգա Ձեզ: Նման աղցանը կարող է հիանալի հավելում լինել այլ ուտեստների համար կամ հանդես գալ որպես կողմնակի ճաշատեսակ: Պահպանեք բաղադրատոմսը և անհրաժեշտ ապրանքների ցանկը։
Աղցանի պատրաստման համար անհրաժեշտ են հետևյալ բաղադրիչները․
- 5–6 կարտոֆիլ
- 1 սոխ
- 1 ճ.գ շաքարավազ
- 1/2 թ/գ աղ
- 1 ճ. գ. գինի կամ խնձորի քացախ
- 9-10 փոքր թթու վարունգ
- 50 մլ կաթ
- 100 մլ բուսական յուղ
- Սամիթ
- Մաղադանոս
- 1/2 թ/գ չորացրած սխտոր
- 1/2 թ/գ մանանեխ
- Մայոնեզ (ըստ ցանկության)։
Պատրաստման եղանակը․
Կարտոֆիլը եփեք՝ ավելացնելով մեկ պտղունց աղ։ Այդ ընթացքում սոխը մանր կտրատեք և լցրեք խորը ամանի մեջ, ավելացրեք շաքարավազը, աղը և խնձորի (կամ գինու) քացախը։ Խառնեք և լցրեք եռացրած ջուր, որպեսզի հեղուկն ամբողջությամբ ծածկի սոխը և թողեք 15 րոպե։
Մարինացված վարունգը կտրատեք փոքր շրջանակներով, մաքրեք խաշած կարտոֆիլը և մանր կտրատեք։ Ավելորդ հեղուկից քամած կարտոֆիլը, վարունգը և քամած սոխը խառնեք խորը ամանի մեջ։ Կանաչիները մանր կտրատեք և ավելացրեք մնացած մանրացված բաղադրիչների վրա։
Կաթը և բուսական յուղը հարեք բլենդերով։ Դրանց վրա ավելացրեք մանանեխ, չոր սխտոր, համեմունքներ ըստ ճաշակի և կրկին հարեք բլենդերով մինչև ամբողջովին համասեռ զանգված ստացվի։
Աղցանը համեմեք պատրաստի սոուսով և լավ խառնեք։ Եթե նման սոուս պատրաստելու ժամանակ չկա, ապա կարող եք պարզապես մայոնեզ օգտագործել։ Փորձեք կարտոֆիլով և թթու վարունգով այս աղցանը և անհրաժեշտության դեպքում ավելացրեք ավելի շատ համեմունքներ: Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն