Այս աղցանը պատրաստվում է հաշված րոպեների ընթացքում: Այն կարող եք մատուցել և տոնական, և առօրյա սեղանին: Աղցանը շատ վառ է, գունեղ, սննդարար և համեղ: Պատրաստվում է արագ, և անհրաժեշտ են միայն պարզ բաղադրիչներ, որոնք պետք չէ նախօրոք եփել: Համաձայնեք, որ դա հրաշալի է:
Անհրաժեշտ բաղադրիչներ.
- թարմ գազար՝ 300գ
- թարմ վարունգ՝ 200գ
- կիսաապխտած երշիկ՝ 200գ
- պանիր՝ 200գ
- պահածոյացված եգիպտացորեն՝ 200գ
- մայոնեզ
- աղ, պղպեղ
Պատրաստման եղանակ.
Գազարը մաքրել և անցկացնել կորեական աղցանի համար նախատեսված քերիչով: Նույնն անել վարունգի հետ: Քերած բանջարեղենը լցնել խորը աղցանամանի մեջ:
Խոշոր քերիչով անցկացնել պանիրը և ավելացնել մյուս բաղադրիչներին:
Երշիկը կտրատել ձողիկների, լցնել աղցանամանի մեջ:
Ավելացնել ջրքամած եգիպտացորենը, աղն ու պղպեղը, խառնել: Ավելացնել մայոնեզը և կրկին խառնել:
Ցանկալի է միանգամից մատուցել:
Բարի ախորժակ:
