Մեկ այլ տարբերակ` ինչպես պատրաստել դդմիկով նրբաբլիթներ: Դդմիկը և պանիրը հիանալի համադրություն են: Բլիթները դդմիկի հաշվին մնում են փափուկ, հյութեղ և նուրբ, իսկ պանրի ավելացումը նրանց ավելի «չաղլիկ» է դարձնում և չի փլվում, ինչպես նաև տալիս է ոսկեգույն և փխրուն տեսք:
Նման նրբաբլիթները թթվասերով մատուցելը լավագույն տարբերակն է:
Ինչ է պահանջվում.
- 250-300 գ դդմիկ,
- 100-150 գ պինդ պանիր,
- 2 ձու,
- 2-3 ճաշի գդալ ալյուր,
- 2-3 ճյուղ թարմ սամիթ,
- Աղ, պղպեղ` ըստ ճաշակի,
- Բուսական յուղ՝ տապակելու համար:
Պատրաստման եղանակը:
Դդմիկն անց ենք կացնում քերիչով: Եթե մաշկը նուրբ է, ապա հարկավոր չէ այն մաքրել:
Քերած դդմիկներին մի քիչ աղ արեք և մի քանի րոպե թողեք մնա, որ հյութը դուրս գա:
Դրանից հետո մենք քամում ենք հեղուկը: Ձուն, կտրտած կանաչեղենը լավ խառնեք գդալով:
Հենց այդտեղ էլ քերիչով մանրացնում եք պանիրը:
Ավելացրեք ալյուր:
«Խմորը» լավ հարեք և ավելացրեք պղպեղ` ըստ ճաշակի:
Թավայի մեջ տաքացրեք բուսական յուղը: 1 ճաշի գդալ խմորը լցրեք:
Տապակեք երկու կողմերից մի քանի րոպե մինչ ոսկե դարչնագույն դառնալը: Տապակեք միջին ջերմության կրակի վրա: Դրեք թղթե սրբիչների վրա` ավելորդ յուղը կլանելու համար:
Պատրա՛ստ է: Բարի՜ ախորժակ:
Նյութը հրապարակման պատրաստեց՝ ՆՈՐ ԻՆՖՈ-ն
