Պատրաստման համար անհրաժեշտ են հետևյալ բաղադրիչները․
- 2 միջին գազար,
- 100 գրամ պանիր,
- 2 ձու,
- Աղ և իտալական խոտաբույսեր՝ ըստ ճաշակի,
- 2 ճաշի գդալ թթվասեր,
- Աղացած սև պղպեղ,
- Սխտոր՝ ըստ ցանկության։
Պատրաստման եղանակը․
- Գազարը լավ լվացեք, մաքրեք կեղևից և կտրեք բոլոր ավելորդությունները: Ցանկալի է վերցնել պայծառ հյութեղ ու քաղցր գազար: Անցկացրեք քերիչով:
- Քերած գազարը լցրեք խորը տարայի մեջ:
- Քերիչով անցկացրեք նաև պինդ պանիրը և լցրեք գազարի վրա: Պանիրն ավելացվում է աղցանի համը բարելավելու համար:
- Ձվերը եփեք, սառեցրեք, կեղևազերծեք և կտրեք փոքր խորանարդիկներով: Լցրեք պանիրի և գազարի վրա։
- Ավելացրեք մի քանի գդալ թթվասեր կամ մայոնեզ և լավ խառնեք։
- Վերջում, ըստ ճաշակի, ավելացրեք իտալական խոտաբույսեր և աղ:
- Եթե սիրում եք կծու ուտեստներ, ապա աղցանին կարող եք ավելացնել սև պղպեղ ու սխտոր: Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն