Այս բաղադրատոմսով պատրաստված կուլիչը երկար ժամանակ մնում է թարմ, փափուկ ու ախորժելի: Սա կուլիչի պատրաստման ամենահաջող եղանակն է:
Անհրաժեշտ բաղադրիչներ.
- կաթ՝ 250 մլ
- թթվասեր՝ 80 գ
- ալյուր՝ 700 գ
- ձու՝ 4 հատ
- կարագ՝ 120 գ
- չոր խմորիչ՝ 10 գ
- աղ՝ մի պտղունձ
- շաքարավազ՝ 150 գ
- չամիչ՝ 50 գ
- վանիլին
Պատրաստման եղանակ.
Գոլ կաթի մեջ լուծել խմորիչը, 1թ.գ. շաքարավազ և խառնել, թողնել 20 րոպե:
Մնացած կաթի մեջ ավելացնել փափկած կարագը և հասցնել եռման աստիճանի: Ավելացնել 2 ճ.գ. ալյուր և խառնել:
Դեղնուցը միացնել աղի հետ, շաքարավազի կեսի, վանիլինի և հարել՝ մինչ համասեռ զանգված կստացվի: Միացնել խմորիչով կաթի հետ ու խառնել գդալով:
Սպիտակուցները միացնել մնացած շաքարավազի հետ ու հարել՝ մինչ փքուն զանգված կստացվի: Ավելացնել թթվասերն ու մի քիչ փափկած կարագ, խառնել:
Միացնել բոլոր առանձին զանգվածները և խառնել՝ մինչ համասեռ դառնալը:
Ալյուրը մաղել ու լցնել մաս-մաս, խառնել գդալով, դնել ալյուրոտ սեղանին ու հունցել թեթևակի կպչուն խմորը:
Ծածկել տոպրակով ու 1 ժամ թողնել տաք տեղում:
Խմորը նորից հունցել և միացնել չամիչի հետ, որը նախապես պետք է լվանալ եռման ջրով ու չորացնել, խառնել մի քիչ ալյուրի հետ:
Խմորը լցնել ֆորմաների մեջ: Խմորը պիտի հասնի մինչ ֆորմայի կեսը: Ծածկել սրբիչով և թողնել այնքան, որ խմորը բարձրանա մինչ եզրերը:
Ջեռոցը տաքացնել մինչ 180 ջերմաստիճանի, թխել կուլիչները 30 – 40 րոպե:
Ջնարակ լցնել:
Հաշվի առեք, որ կուլիչի բոլոր բաղադրիչները պիտի լինեն սենյակային ջերմաստիճանի, այլապես խմորը լավ չի բարձրանա, իսկ կուլիչը շուտ կչորանա:
Բարի ախորժակ: