Այս աղցանի մեջ զարմանալիորեն համակցվում են գազարը, հավի ֆիլեն, քաղցր եգիպտացորենն ու սալորաչիրը, ինչպես նաև թարմ վարունգը։ Սա իսկական բացահայտում էր ինձ համար, ուստի ես բաղադրատոմսով կկիսվեմ նաև Ձեզ հետ: Ստացվում է անչափ համեղ ու ախորժելի և անպայման կսիրվի Ձեր հյուրերի կողմից։
Անհրաժեշտ են հետևյալ բաղադրիչները․
- Հավի ֆիլե — 350 գրամ
- Կորեական ոճով գազար — 150 գրամ
- Պահածոյացված եգիպտացորեն — 150 գրամ
- Թարմ վարունգ — 150 գրամ
- Սալորաչիր — 100 գրամ
- Աղ, պղպեղ, մայոնեզ — ըստ ճաշակի:
Պատրաստման եղանակը․
Հավի ֆիլեն լվացեք և եփեք թեթևակի աղաջրի մեջ։ Թողեք սառչի իր իսկ արգանակի մեջ, ապա մանր կտրատեք: Կորեական ոճով գազարը կարող եք կտրատեք, եթե այն շատ երկար է:
Պահածոյացված եգիպտացորենի հեղուկը քամեք և լցրեք աղցանի ամանի մեջ։ Վարունգը և սալորաչիրը կտրատեք փոքր խորանարդիկներով: Ավելացրեք աղ, պղպեղ՝ ըստ ճաշակի, համեմեք մայոնեզով, լավ խառնեք և մատուցեք: Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն
