Ռուլետի պատրաստման համար անհրաժեշտ են հետևյալ բաղադրիչները․
- 130 գ կակաչի սերմ
- 130 գ չամիչ
- 2 խնձոր
- 1 ձու
- 500 գ շերտավոր խմոր
- 50 գ շաքարավազ
- 1 ճ.գ վանիլային շաքար
- 40 գ կարագ
- 500 մլ ջուր
- 1 սպիտակ շոկոլադե սալիկ (ըստ ցանկության)
Պատրաստման եղանակը․
Չամիչը նախապես լվացեք, ապա լցրեք կաթսայի մեջ։ Կակաչի սերմերը նույնպես լցրեք դրա վրա: Ավելացրեք ջուր: Եռացրեք միջին ջերմության վրա 20 րոպե։
Խնձորները կլպեք, մանր կտրատեք և լցրեք տապակի մեջ։ Ավելացրեք շաքարավազ և վանիլային շաքար: Տապակեք մոտ 10 րոպե՝ անընդհատ խառնելով:
Կակաչի սերմերը չամիչի հետ միասին անցկացրեք մաղով։ Ավելորդ խոնավությունը պետք է քամվի: Դրանից հետո զանգվածն անցկացրեք բլենդերով, լցրեք խնձորների վրա և խառնեք։
Շերտավոր խմորը գրտնակեք յուղաթղթի վրա: Միջուկը լցրեք խմորի վրա և տարածեք։ Խմորը փաթաթեք ռուլետի նման և ծայրերն ամրացրեք։
Դանակի օգնությամբ ռուլետի ամբողջ երկայնքով մակերեսային կտրվածքներ արեք: Ռուլետի վրա քսեք հարած ձու։
Ռուլետը թխեք 180 աստիճանի տակ տաքացրած ջեռոցում 30-35 րոպե։ Պատրաստի ռուլետը թողեք 15 րոպե, իսկ հետո ռուլետի վրա լցրեք հալված սպիտակ շոկոլադ։ Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն