Ծաղկակաղամբով և սնկով ուտեստ․
- Ծաղկակաղամբ + բրոկոլի — ընդամենը 500 գ
- Սունկ 200 գ
- Պինդ պանիր 100 գր
- Կարագ 100 գր
- Չորահաց 3 ճ․գ․
- Ընկույզ (թակած) 3 ճ․գ․
- Ձու 3 հատ
- Կաթ 3 ճ․գ․
- Աղ կես թ․ գ․։
Բանջարեղենն առանձնացրեք ծաղկաբույլերից և լցրեք եռացող ջրի մեջ: Տաքացված տապակի մեջ, առանց յուղի, տապակեք չորահացը և ընկույզը միասին: Թող սառչի: Առանձին ամանի մեջ խառնեք ձվերը + կաթ + աղ:
Սունկը մանր կտրատեք և տապակեք կարագի մեջ, մինչև որ փափկի: Պանիրը պետք է անցկացնեք քերիչով:
Տաքացրեք ջեռոցը մինչև 180 աստիճանի տակ, և նախ բրոկկոլին և կաղամբը դրեք ջեռոցում, ապա սունկը, և ձվի խառնուրդը: Վերևից լցրեք ընկույզը + չորահացը և շաղ տվեք քերած պանիրը:
Պատրաստեք 10-15 րոպե ջեռոցում: Երբ ընդերքը ոսկեգույն ստացվի, կարող եք հանել այն: Բարի ախորժակ։
Աղացած մսով և մակարոնեղենով ուտեստ․
- Մակարոնեղեն — 1 տուփ
- Աղացած միս 500 գ
- Ձու 1 հատ
- Կաթ 1 բաժակ
- Սոխ 1 հատ
- Պինդ պանիր 150 գ
- Բուսական յուղ, աղ` ըստ ճաշկի:
Եփեք մակարոնեղենը մինչև պատրաստ լինելը: Այդ պահին տապակեք սոխը մինչև ոսկեգույն ստացվի, ապա ավելացրեք աղացած միսը դրան և տապակեք ամեն ինչ միասին: Մի ամանի մեջ հարեք ձվերը կաթով և աղով:
Միացրեք ջեռոցը 180 աստիճանի տակ: Քանի դեռ այն տաքանում է, տապակը յուղեք, լցրեք մակարոնեղենի զանգվածի կեսը + աղացած միս + մակարոնեղեն: Լցրեք ձվի և կաթի խառնուրդը, և շաղ տվեք պանիր:
Թխեք 20 րոպե։ Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն