Անհրաժեշտ է․
- Տավարի միս — 700 գ,
- Բուլղարական պղպեղ — 1 հատ,
- Թթու վարունգ — 1 հատ,
- Ձիթապտուզ — 6 հատ,
- Համեմունքներ մարինադի համար,
- Կես կիտրոնի հյութ,
- Ձիթապտղի յուղ 2 ճաշի գդալ մարինադի համար, 2 ճաշի գդալ տապակման համար,
- 1 թեյի գդալ տոմատի մածուկ:
Պատրաստումը․
Տավարի միսը ծածկեք սննդի փաթեթավորման տոպրակով և զգուշությամբ ծեծեք, որպեսզի չվնասեք։ Պետք չէ շատ բարակացնել, հակառակ դեպքում ջեռոցում պատրաստելիս չորիկ կստացվի և համեղ չի լինի։
Այժմ մարինացնում ենք միսը, որի համար անհրաժեշտ է մսի համար նախատեսված խոտաբույսերի խառնուրդ:
Ավելացրեք աղ, կիտրոնի հյութ, (բայց հյութի փոխարեն Դուք կարող եք օգտագործել քացախ, կեֆիր կամ գինի): Որպես ճարպ, օգտագործեք ձիթապտղի յուղ: Խառնեք և դրեք սառնարանում 3-4 ժամով, որպեսզի միսը լավ մարինացվի:
Երբ միսը մարինացվի, սկսեք ռուլետի պատրաստումը: Կարող եք պատրաստել երկու տեսակի միջուկով ռուլետներ:
Առաջին դեպքում կարմիր և դեղին բուլղարական պղպեղ և ձիթապտուղ, իսկ երկրորդ դեպքում` նույն պղպեղը և թթու վարունգը: Փաթաթեք ռուլետը և ամրացրեք ատամի փայտիկով:
Ռուլետները տապակեք տապակի մեջ բուսական յուղով: Յուրաքանչյուր կողմը մոտ 1 րոպե, որպեսզի կարմրի, որից հետո տապակված ռուլետները դրեք ձևամանի մեջ, ավելացրեք այն յուղը, որի մեջ տապակվել են, լցրեք մի փոքր տոմատի մածուկ և կտրտված բուլղարական պղպեղ: Դրեք նախապես տաքացված ջեռոցում 200 °-ի տակ և պատրաստեք 30 րոպե:
Այս անչափ համեղ ուտեստը պատրաստ է, կարող եք մատուցել։ Բարի ախորժակ։
Նյութը հրապարակման պատրաստեց՝ ՆՈՐ ԻՆՖՈ-ն