Հրավիրում ենք Ձեզ պատրաստել համեղ շոկոլադով և կաթնաշոռով կարկանդակ:
Պատրաստի կաթնաշոռի և կակաոյի համադրությունը թխվածքների մեջ միշտ էլ շահեկան տարբերակ է: Կարկանդակը պարզվում է ոչ միայն շատ համեղ, այլև գեղեցիկ:
Անհրաժեշտ է․
Կաթնաշոռի մասի համար.
- 250 գ կաթնաշոռ,
- 1 ձու,
- 2-3 ճ․գ․ շաքարավազ,
- 1/2 փաթեթ վանիլային շաքարավազ,
- 1 թ․գ․ կարտոֆիլի օսլա։
Շոկոլադե մասի համար.
- 1 ձու,
- 1 բաժակ շաքար,
- 1/2 փաթեթ վանիլային շաքարավազ,
- 1 բաժակ կեֆիր 2.5%,
- 2 բաժակ ալյուր,
- 1,5 թ․գ․ փխրեցուցիչ,
- 2 ճ․գ․ կակաո,
- 2/3 բաժակ անհոտ բուսական յուղ։
Պատրաստումը․
Կաթնաշոռի մասի համար, կաթնաշոռը ձվի, շաքարավազի և վանիլային շաքարի հետ խառնեք և պատրաստեք համասեռ զանգված: Ավելացրեք օսլա, մանրակրկիտ խառնեք այնպես, որպեսզի գնդիկներ չլինեն:
Շոկոլադե մասի համար ձուն հարեք շաքարավազով և վանիլով: Լցրեք կեֆիր և մանրակրկիտ խառնեք: Ավելացրեք ալյուր և փխրեցուցիչ, հարեք մինչև ստացվի հարթ զանգված։ Ավելացրեք կակաո և խառնեք կարկանդակի շոկոլադե զանգվածը: Լցրեք բուսական յուղ և խառնեք: Խմորը պետք է լինի հարթ և խիտ:
Թխման տապակի վրա քսեք կարագ: Նախ լցրեք շոկոլադե խմորը և հարթեցրեք: Այնուհետև պատահականորեն լցրեք կաթնաշոռի զանգվածը և օգտագործելով փայտե գդալ, շրջանաձև շարժումներով նկարեք ապագա տորթի համար կամայական նախշեր:
Թխեք կաթնաշոռով և կակաոյով կարկանդակը նախապես տաքացված ջեռոցւմ, մինչև 40 աստիճանով 40-45 րոպե: Ստուգեք պատրաստվածությունը ատամի փայտիկով։
Բարի ախորժակ․․․
Նյութը հրապարակման պատրաստեց՝ ՆՈՐ ԻՆՖՈ-ն
