ՆԵրկայացնում ենք վարունգ մարինացնելու յուրահատուկ տարբերակ: Ձմռան համար այսպիսի աղցան պատրաստելով՝ կկարողանաք հրաշալի լրացում ստանալ ընթրիքի համար: Մատուցելիս՝ ցանկության դեպքում, կարելի է նաև թթվասեր ավելացնել:
Անհրաժեշտ բաղադրիչներ.
- վարունգ՝ 1,5կգ
- գազար՝ 750գ
- սխտոր՝ 200գ
200մլ ջրի մարինադի համար.
- աղ՝ 1թ.գ.
- շաքարավազ՝ 2թ.գ.
- քացախ 9%՝ 20մլ
Յուրաքանչյուր 0,5լ բանկայի մեջ.
- մեխակ՝ 3 հատ
- հատիկավոր սև պղպեղ՝ 3 հատ
- դափնետերև՝ 1 հատ
Պատրաստման եղանակ.
- Բանջարեղենը լավ լվանում ենք և հանում պոչիկները:
- Վարունգը կտրատում ենք ցանկացած կերպ:
- Գազարն անցկացնում ենք քերիչով, սխտորը մաքրում և ճզմում:
- Մեծ կաթսայի մեջ խառնում ենք նախապատրաստված բաղադրիչները, խառնում և թողնում 10-15 րոպե:
- Այդ ընթացքում ստերիլիզացնում ենք բանկաները և դնում համեմունքները:
- Պատրաստի աղցանը լցնում ենք բանկաների մեջ:
- Պատրաստում ենք մարինադը: Կաթսայի մեջ ջուրն ենք լցնում, ավելացնում շաքարավազն ու աղը, հասցնում ենք եռման աստիճանի և ավելացնում քացախը: Ստացված մարինադը տաք վիճակում լցնում ենք բանկաների մեջ և ծածկում կափարիչով:
- Աղցանը ստերիլիզացնում ենք 10 րոպե և փակում բանկաները:
- Պատրաստի աղցանով բանկաները փաթաթում ենք տաք ծածկոցով և թողնում՝ մինչ դրանք կսառեն:
Բարի ախորժակ…
