Այսօր մենք ուզում ենք Ձեզ առաջարկել պարզ, բայց աներևակայելի համեղ աղցանի բաղադրատոմս: Այն պատրաստվում է ընդամենը 4 բաղադրիչներից, ուստի ունի ներդաշնակ համ: Աղցանը կդառնա ցանկացած սեղանի զարդը և հաստատ պետք է ուշադրություն դարձնեք բաղադրատոմսին: Համոզված ենք, որ դա հաստատ դուր կգա հյուրերին՝ թե ախորժելի տեսքով, թե անթերի համով:
Անհրաժեշտ է.
- 400 գ ապխտած հավի կրծքամիս,
- 150 գ կոշտ պանիր,
- Երեք ձու,
- 100-150 գ խաղող,
- Երկու ճ.գ. մայոնեզ (կարելի է փոխարինել մածունով):
Պատրաստումը.
Ապխտած հավը կտրեք փոքր խորանարդիկներով:
Կտրեք պանիրը նույն կերպ: Ընտրեք բարձրորակ և համեղ պանիր, քանի որ դա կազդի աղցանի համի վրա:
Նույնը վարվեք ձվերի հետ: Փորձեք ամեն ինչ կտրել նույն կերպ, որպեսզի աղցանը գեղեցիկ տեսք ունենա:
Իսկ վերջին բաղադրիչը խաղողն է: Այն պետք է կիսով չափ կտրեք: Աղցանի համար խաղողն ընտրեք ոչ շատ քաղցր, թթու նոտայով և առանց սերմերի:
Բոլոր բաղադրիչները լցրեք աղցանի ամանի մեջ, համեմեք մայոնեզով կամ մածունով և խառնեք:
Եթե միսն աղի է, ապա Ձեզ հարկավոր չէ աղ ավելացնել: Բարի ախորժակ:
Նյութը հրապարակման պատրաստեց ՆՈՐ ԻՆՖՈ-ն
