Այսպիսի թխվածքը հիանալի տեսք ու շունչ կհաղորդի և առօրյա, և տոնական սեղանին։ Անուշաբոււյր, ախորժելի և սննդարար կրուասաններ՝ պանրային միջուկով։
Անհրաժեշտ բաղադչրիչներ․
- կաթ՝ 400 մլ
- ձու՝ 2 հատ
- շաքարավազ՝ 60 գ
- ալյուր՝ 650 գ
- աղ՝ մի պտղունձ
- խմորիչ՝ 7 գ
- փափուկ կամ հալած պանիր՝ 300 գ
- կանաչի, քունջութ, դեղնուց
Պատրաստման եղանակ․
- Ձուն միացնել շաքարավազի, աղի հետ, հարել։
- Մաղել ալյուրը։
- Ավելացնել գոլ կաթը, խմորիչը, խառնել և լցնել ալյուրը։ Խմոր հունցել և ծածկել տոպրակով, թողնել տաք տեղում՝ 1 ժամով։
- Խմորը բաժանել 10 մասի, յուրաքանչյուրը գրտնակել, հալեցրած կարագ կամ ձեթ քսել, շերտերը դասավորել միմյանց վրա։ Այսինքն երկու հատ՝ 5 շերտանոց խմոր պիտի ստացվի։ Երկուսն էլ տոպրակով փաթաթել և ուղարկել սառցարանը, թողնել կես ժամ։
- Յուրաքանչյուրը գրտնակել, բաժանել եռանկյունների։ Լայն մասում միջուկ դնել՝ քերած պանիր, մանրացրած կանաչի, աղ՝ ըստ ճաշակի։ Փաթաթել կրուասանի պես։
- Տապակը ծածկել յուղաթղթով, տեղափոխել մեջը կրուասանները, դեղնուց քսել, քունջութ լցնել և թխել մոտ կես ժամ՝ 180 ջերմաստիճանի ներքո։
Բարի ախորժակ։
