Ցանկանում եք համտեսել անչափ համեղ խորոված սունկ՝ առանց կրակ վառելու և ռեստորանում գումար ծախսելու, ապա իմացեք, որ անհնարին ոչինչ չկա: Պարզապես անհրաժեշտ է կես ժամ՝ սունկը մարինացնելու համար, որից հետո այն պետք է հագցնեք փայտե ձողիկների վրա և պատրաստել ջեռոցում:
Ահա և հանրաճանաչ ռումինական բաղադրատոմսը.
Անհրաժեշտ է․
- Շամպինիոններ — 600 գ,
- Կիտրոնի հյութ — 2 թ․գ․,
- Սոյայի սոուս — 4 ճ․գ․,
- Սամիթ — 1 փունջ,
- Պապրիկա — 1 թ․գ․,
- Բուսական յուղ — 4 ճ․գ․,
- Աղ ըստ ճաշակի։
Պատրաստւմը․
Սնկերը մանրակրկիտ լվացեք և չորացրեք մաքուր սրբիչով, որպեսզի ամբողջ ավելորդ խոնավությունը ներծծվի:
Սնկերը լցրեք տոպրակի մեջ, և ավելացրեք բուսական յուղ, սոյայի սոուս, պապրիկա, աղ և կիտրոնի հյութ, ինչպես նաև կտրտած սամիթ:
Փակեք տոպրակը, թափահարեք բովանդակությունը և թողեք 30 րոպե:
Թացացրտե փայտե ձողիկները, և դրանց վրա հագցրեք պատրաստված սունկը։
Պատրաստեք նախապես տաքացված ջեռոցում 200 աստիճանի տակ 15 րոպե։
Եթե Դուք կամ Ձեր հյուրերը միս չեք ուտում, ապա այժմ ունեք գերազանց ուտեստ:
Նյութը հրապարակման պատրաստեց՝ ՆՈՐ ԻՆՖՈ-ն