5. Մեխակ
Այն արտահայտված բույրով և շատ կծու համով համեմունք է։ Համարվում է հզոր հակաօքսիդանտ և հակաբորբոքային միջոց: Մեխակն օգտագործվում է որպես մսային ուտեստների համեմունք, տարբեր համեմունքների խառնուրդների մաս է։ Այն ավելացվում է տաք թեյի և որոշ այլ ըմպելիքների մեջ։
4. Եղեսպակ
Օգտագործվում է մրսածության կամ վիրուսային հիվանդությունների ժամանակ։ Այս բույսի մեջ պարունակվող եթերայուղն ունի ուժեղ հակաբակտերիալ ազդեցություն։ Եղեսպակը ներառված է բազմաթիվ թուրմերի և բուսական պատրաստուկների մեջ, քանի որ այն համարվում է արդյունավետ հակաօքսիդանտ, որն ուժեղացնում և ամրացնում է իմունային համակարգը: Բժիշկները խորհուրդ են տալիս խմել եղեսպակով թեյ։
3. Խնկունի
Այս բույսը եղեսպակի նման, ունի նույն օգտակար բուժիչ հատկությունները՝ հակաբորբոքային, հակասեպտիկ և այլն։ Օգնում է բարելավել ուղեղի գործունեությունը, աշխուժացնում և տոնուսավորում: Խնկունիի տերևներով թեյը խորհուրդ է տրվում խմել առավոտյան։
2. Դարչին
Այն հիանալի կերպով համատեղում է ինչպես խոհարարական համեմունքի, այնպես էլ բուժիչ խոտի հատկությունները։ Այս համեմունքն ունի ուժեղ բնորոշ հոտ, համով թեթևակի քաղցր։ Դարչինը հատուկ տեխնոլոգիայի միջոցով չորացրած շագանակագույն ծառի կեղև է։ Այն կարգավորում և նորմալացնում է արյան մեջ շաքարի մակարդակը, պարունակում է հսկայական քանակությամբ հակաօքսիդանտներ։ Դարչինի բույրը նվազեցնում է քաղցր օգտագործելու ցանկությունը: Բայց խորհուրդ է տրվում այն օգտագործել չափավոր՝ օրական 1 գ-ից ոչ ավել։ Եթե դրանից շատ եք ուտում, դա կարող է առաջացնել ալերգիա, գլխապտույտ, ցավ մարսողական տրակտում, մարսողության խանգարում:
1. Անանուխ
Այն աշխարհի ամենահին բուժիչ բույսերից է։ Նրա բուժիչ հատկությունները հայտնի են հնուց: Այն ժամանակ համարվում էր, որ անանուխի թուրմերը նպաստում են զրույցների ընթացքում հաճելի, վստահելի մթնոլորտի ձևավորմանը։ Անանուխը օգտագործվել է որպես արդյունավետ հանգստացնող միջոց։ Այն նաև օգտագործվում է որպես հակասեպտիկ և մարսողական համակարգի հիվանդությունների ժամանակ։ Անանուխի թուրմն օգնում է նորմալացնել արյան ճնշումը, կանխում է աղիներում խմորման պրոցեսները, խթանում է ստամոքսի մկանների ալիքային կծկումները: Նաև այս թուրմերը խորհուրդ են տրվում լեղապարկի, լյարդի, երիկամների հիվանդություններ ունեցող մարդկանց։
Նյութը հրապարակման պատրաստեց ՆՈՐ ԻՆՖՈ-ն
