Քիչ վիտամիններ և միկրոէլեմենտներ ունեն այնպիսի կարևոր նշանակություն մարդու առողջության համար, որքան մագնեզիումը: Մագնեզիումը մասնակցում է օրգանիզմում ավելի քան 300 քիմիական ռեակցիաների, զարկերակային ճնշման նորմալացման, նյութափոխանակության, իմունային համակարգի կարգավորման, սպիտակուցների, կալցիումի և առողջության շատ այլ ասպեկտների նյութափոխանակության մեջ: Դրա համար շատ կարևոր է ստանալ բավականին քանակությամբ միկրոէլեմենտներ:
Մագնեզիումի պակասությունը տարածված խնդիր է և կարող է հիմք հանդիսանալ շատ հիվանդությունների համար: Ահա մագնեզիումի պակասության 12 նշան, որը պետք է իմանան բոլորը: Ինչու է այդքան դժվար բավականին քանակությամբ մագնեզիում ստանալը: Նախկինում ավելի հեշտ էր մագնեզիումի համար օրական առաջարկվող չափաբաժին ստանալը:
Հետազոտողների խոսքով՝ հանքային սննդի քանակությունը մեր օրգանիզմում տարիների ընթացքում կտրուկ կրճատվել է գյուղատնտեսության ինտենսիվության պատճառով: Օրինակ՝ Միացյալ Նահանգներում, 1914 –1992 թվականներին խնձորում 80%-ով կրճատվել է սնուցող նյութերի քանակը:
Մագնեզիումի պակասի մեկ այլ պատճառ է հանդիսանում այն փաստը, որ մարդիկ փոխել են իրենց սննդակարգը: Այսօր մենք հազվադեպ ենք օգտագործում այնպիսի մթերքներ, ինչպիսիք են ձուկը, ընկույզը և մուգ կանաչ տերևներով բանջարաղենները, որոնք հանդիսանում են մագնեզիումի հիմնական աղբյուրներները:
Ահա այս 12 նշանները վկայում են, որ Ձեզ օրգանիզմում կարող է լինել մագնեզիումի պակաս
- Քրոնիկ հոգնածություն
Սովորաբար մագնեզիում խորհուրդ է տրվում օգտագործել այն մարդկանց, ովքեր տառապում են քրոնիկ հոգնածությունից, ուժի կամ էներգիայի պակասից: Ըստ հետազոտության՝ մագնեզիումի հավելյալ աղբյուրը կարող է ոչ միայն բարձրացնել մարզիկների դիմադրողականությունը, այլ նաև օգուտ տալ խրոնիկ հիվանդություններ ունեցող տարիքով մարդկանց:
- Մկանային կծկումներ
Եթե հաճախ եք ունենում մկանների (ավելի հաճախ սրունքների մեջ) կծկումներ , ապա դա կարող է վկայել մարմնում մագնեզիումի անբավարարության մասին: Առողջ մարդկանց մոտ մկանների լարվածության պատճառն օրգանիզմում մագնեզիումի պակասն է:
- Միգրեն
Միգրենով տառապող մարդկանց մոտ հաճախ նկատվում է մագնեզիումի անբավարարություն, ինչը մեծացնում է մկանների լարվածությունը: Հետազոտությունների համաձայն մագնեզիումի լրացուցիչ աղբյուրը կարող է հեռացնել սրտխառնոցը, ինչպես նաև լույսի և ձայնի նկատմամբ զգայունությունը միգրենով մարդկանց մոտ:
- Քնի խանգարումներ
Քեզ համար դժվա՞ր է քնել: Հաճա՞խ եք արթնանում գիշերվա կեսին: Սա կարող է լինել մագնեզիումի պակասի նշան: Այս խնդրից ազատվելու համար բավական է շատացնել դրա օգտագործումը: Ուսումնասիրությունները ցույց են տալիս, որ մագնեզիումի հավելյալ ընդունումը կարող է լուծել այս խնդիրը:
- Արյան բարձր ճնշում
Այսօրվա դրությամբ առողջության աշխարհում սա հանդիսանում է ամենալուրջ խնդիրներից մեկը: 2013 թվականի բրիտանական ուսումնասիրության արդյունքները ցույց տվեցին, որ շատ մագնեզիում ընդունող մարդիկ առողջ էին և նորմալ արյան ճնշում ունեին:
- Հոդացավ
Շատ մարդիկ ունեն հոդերի ցավեր, բայց որոշների մոտ այն ավելի հաճախ և ուժեղ է լինում: Այս դեպքում մագնեզիումի հավելյալ ընդունումը կհեռացնի հոդացավերը:
- Խցանում
Մագնեզիումն անհրաժեշտ է աղիքների բնականոն աշխատանքի համար: Մագնեզիումի պակասից կարող է խցանում լինել աղիքներում, դրա համար այս հանքանյութն օրգանիզմում անհրաժեշտ է:
- Ասթմա
Ուսումնասիրությունները ցույց են տվել, որ ասթմա ունեցող մարդկանց արյան մեջ մագնեզիումի ավելացման հետ շնչառությունը բարելավվում է:
- Դեպրեսիա
Մագնեզիումը կարող է որոշիչ դեր ունենալ էներգիայի կառավարման և տրամադրության ֆունկցիայի մեջ: Որոշ փորձագետներ կարծում են, որ մագնեզիումի ցածր մակարդակը ժամանակակից մթերքներում կարող է դեպրեսիայի և հոգեկան հիվանդությունների պատճառ հանդիսանալ:
- Կալցիումի պակասություն
Մագնեզիումի անբավարարությունը հանգեցնում է նաև կալցիումի դեֆիցիտի, որովհետև մագնեզիումն օրգանիզմին անհրաժեշտ է այլ կալցիումի կլանման համար:
- Քաղցրավենիքի նկատմամբ փափագ
Եթե քաղցրավենիքի նկատմամբ փափագ ունեք, ուրեմն օրգանիզմը մագնեզիումի պակաս ունի: Կանոնավոր կերպով ընդունելով ընկույզ, սերմերի և մրգեր՝ կկտրեք քաղցրի նկատմամբ ցանկությունը:
- Առիթմիա
Անհավասար սրտի բաբախյուն կարող է առաջանալ նաև մագնեզիումի պակասից: Որոշ հետազոտողների կարծիքով՝ մագնեզիումը պաշտպանում է արյան անոթները:
Մագնեզիումի բարձր քանակություն ունեցող մթերքներ
- Կակաո. 100գ սև շոկոլադը պարունակում է գրեթե 500 մգ մագնեզիում
- Մուգ տերևներով բանջարեղեն
- Մրգեր՝ բանան, ծիրան, սալոր
- Ընկուզեղեն. նուշ, ընկույզ, պնդուկ
- Ընդեղեն
- Հացահատիկներ
- Կարտոֆիլ
- Դդում
Նյութը հրապարակման պատրաստեց ՆՈՐ ԻՆՖՈ-ն