Բոլոր բաղադրատոմսերում դդմով ուտեստներ պատրաստելու համար խորհուրդ է տրվում մաքրել կեղևը։ Բայց ինչու՞ այս կերպ կորցնենք դդմի ամենաօգտակար մասը։ Դդմի կեղևը ոչ միայն հարուստ է վիտամիններով, այլև այն կարող է ուտեստին հատուկ համ հաղորդել, որին հնարավոր չէ հասնել միայն միջուկի պատրաստումով:
Բացի այդ, կեղևը մաքրելով՝ աղբամանն եք նետում պտղի ընդհանուր քաշի առնվազն 10–20%-ը։ Եվ դա չհաշված ներքին մանրաթելերը: Հաջորդը, Դուք կսովորեք, թե ինչպես ճիշտ պատրաստել դդումի կեղևը, որպեսզի դրանք փափուկ և համեղ լինեն:
Ինչու՞ չի կարելի կտրել դդումի կեղևը և որոնք են դրա օգտակար հատկութունները․
Դդմի կեղևը պարունակում է օրգանիզմի համար ամենակարևոր վիտամինների և հանքանյութերի հսկայական հավաքածու: Հակաօքսիդանտների (C, E վիտամիններ և բետա-կարոտին) բարձր կոնցենտրացիայի շնորհիվ կեղևի կանոնավոր օգտագործումը բարենպաստ ազդեցություն է ունենում տեսողության վրա։ Վիտամին A-ն ունակ է պաշտպանել մաշկը ուլտրամանուշակագույն ճառագայթման վնասակար ազդեցությունից՝ դրանով իսկ դանդաղեցնելով նրա ծերացումը։
Կեղևի մեջ պարունակվող կալիումը բարելավում է սրտանոթային համակարգի աշխատանքը՝ նվազեցնելով տարբեր հիվանդությունների առաջացման վտանգը։ Դդմի կեղևն օգտագործվում է նաև աղիքային խնդիրների դեպքում, այն լավ է հեռացնում ավելորդ հեղուկը և ունի հակասնկային ազդեցություն։
Շուկայում ամենատարածվածը տանձաձև դեղին դդումն է: Եվ դա զարմանալի չէ, քանի որ այն ամենաքաղցր սորտերից է։ Հարմար չէ երկարաժամկետ պահպանման համար, քանի որ այն արագ կորցնում է իր օգտակար հատկություններն ու համը։ Ապուրներ կամ պյուրե պատրաստելու համար պարտադիր չէ կեղևը կտրատել։ Իսկ տապակելուց առաջ ցանկալի է հեռացնել այն և առանձին ջերմամշակման ենթարկել։
Դդումի կեղևի օգտագործումը
Աղցաններին ավելի լավ է ավելացնել նախապես մանր կտրատած կեղևը։ Կոշտ ընդերքը նախ պետք է եռփել 30–40 րոպե, որպեսզի փափկի:
Ամբողջովին թխած դդում․
Վերցրեք փոքր չափի դդում (մինչև 2 կգ): Լավ լվացեք, զգուշորեն կտրեք վերևի մասը, որպեսզի կափարիչի տեսք ստանա, և հանեք սերմերը։ Կեղևի վրա դանակով կտրվածքներ արեք։ Դդումը դրեք թխման թերթիկի վրա և դրեք 200 աստիճանի տակ տաքացված ջեռոցում 1-1,5 ժամով։
Կտրտած դդում․
Կտրատեք դդումը շերտերով, բայց դրանք շատ բարակ չպետք է լինեն: Շերտերը լցրեք փալաթիթեղի վրա, ավելացրեք ձիթապտղի յուղ և համեմունքներ: Թխեք 200 աստիճանի տակ 15-20 րոպե։
Դդմի կեղևով չիպսեր․
Եթե ամեն դեպքում որոշել եք կեղևը հանել, ապա պատրաստեք աս համեղ ուտեստը: Կեղևները լցրեք ամանի մեջ, ավելացրեք ձիթապտղի յուղ, աղ և այլ համեմունքներ, լավ խառնեք։ Կեղևները մեկ շերտով լցրեք թխման թերթիկի վրա և դրեք ջեռոցում միջին մակարդակի վրա։ Թխում ենք 160 աստիճանի տակ մինչև պատրաստվի համեղ չիպսեր:
Դդմի կեղևով սմուզի․
Դդմով սմուզի պատրաստելու համար քերեք այն կեղևի հետ միասին և լցրեք բլենդերի ամանի մեջ։ Խմիչքի կարող եք ավելացել քաղցր տանձի և կիտրոնի հյութ։ Խառնեք բաղադրիչները մինչև ստացվի համասեռ զանգված:
Նյութը հրապարակման պատրաստեց ՆՈՐ ԻՆՖՈ-ն