Մեր առաջին օգնության դեղահաբերի մեջ ակտիվացված ածուխը հիմնականում պահվում է որպես «ստամոքսի համար նախատեսված դեղամիջոց»: Այնուամենայնիվ, գիտե՞ք, որ այս սև դեղահաբերը կարող են լավ օգնական լինել մաշկի խնդիրների դեպքում: Ակտիվացված ածուխը կարող է ազատել բակտերիաներից և յուղերից` միաժամանակ մաքրելով և չչորացնելով մաշկը:
Ածուխը հազարավոր տարիներ օգտագործվել է բժշկության և կոսմետոլոգիայի մեջ: Հին եգիպտացիները ածուխի կոմպրեսներ էին կիրառում վերքերի վրա (դրանք մաքուր պահելու համար), ածուխը օգտագործվում էր ջուրը զտելու համար նույնիսկ մեր դարաշրջանից առաջ, իսկ 18 -րդ դարում այն դարձավ ճանաչված հակաթույն:
Ի՞նչ է ակտիվացված ածուխը․
«Ածուխ» բառը շփոթության մեջ է գցում շատերին: Բայց ակտիվացված ածուխը այն ածուխը չէ, որի վրա միս են խորովում: Ակտիվացված ածխածինը թթվածնով մշակված ածխածին է, որից ջուրը հանված է: Դա արվում է ածուխը ավելի ծակոտկեն դարձնելու համար: Ի՞նչ է անում ակտիվացված ածուխը, երբ այն խմում ենք ստամոքսի խանգարման դեպքում:
Ակտիվացված ածուխը գործում է որպես հզոր մագնիս՝ ներգրավելով կեղտերը, տոքսինները, աղտոտումը` հիմնականում օրգանական: Ածուխի այս հատկությունն օգնում է նույնիսկ չթունավորվել քիմիական նյութերից և փչացած սննդից: Ի դեպ, իզուր չէ, որ ջրի մաքրման ամենաարդյունավետ զտիչները պարունակում են ածխածին (ածխածնի զտիչներ), այնտեղ նաև «աշխատում է» ակտիվացված ածուխը:
Ակտիվացված ածուխը միայն ստամոքսի մաքրմանը չի օգնում․
Այժմ պարզ է, թե ինչպես կարող է ածուխն օգնել նիհարելուն: Այն գործում է որպես հիանալի դետոքսիկացնող միջոց: Ստամոքսի մաքրումը առաջին քայլերից է, երբ ցանկանում եք որակապես նիհարել: Բնականաբար, Դուք պետք է իմանաք, որ չպետք է տարվեք այդպիսի դետոքսինգով, ուստի մի լսեք ակտիվացված ածուխ օգտագործելու վերաբերյալ խորհուրդները ամեն օր: Ակտիվացված ածուխը միայն կօգնի օրգանիզմին պատրաստել նոր սննդակարգի և նոր ապրելակերպի:
Ակտիվացված ածխածնի մաքրող հատկությունը տրամաբանական է օգտագործել ոչ միայն թունավորման դեպքում: Եթե ածուխն ի վիճակի է դուրս բերել տոքսիններն ու կեղտը, ապա արժե օգտագործել այս ունակությունը նաև մեր մաշկի համար:
Ակտիվացված ածուխի դիմակները լավ մաքրում են մաշկը, նույնիսկ ծակոտիների խորքը: Սա թույլ է տալիս դրանք օգտագործել որպես պզուկների կանխարգելում: Ակտիվացված փայտածուխը պետք է քսել մաշկին շաբաթական 1 կամ 2 անգամ: Առաջին հերթին, ակտիվացված փայտածուխով կոսմետիկան նախատեսված է մեծ ծակոտիներով յուղոտ մաշկի համար:
Ուշադրություն. Ակտիվացված ածուխի հետ աշխատելիս պետք է հաշվի առնել, որ այն կեղտոտ բծեր է թողնում հագուստի և մաշկի վրա: Հետևաբար, ուշադիր եղեք:
Ակտիվացված ածուխը ատամների սպիտակեցման համար․
Ածխածինը շատ արդյունավետ մաքրում է կեղտը՝ հեռացնելով նստվածքը: Ածուխով սպիտակեցումը պետք է օգտագործել ոչ ավելի, քան շաբաթական 1-2 անգամ, ատամի էմալը չվնասելու համար:
Բաղադրատոմսի համար մեզ պետք են ատամի մածուկ, ատամի խոզանակ և ակտիվացված ածուխի փոշի: Երբեմն ածուխն արդեն հասանելի է փոշու տեսքով (պարկուճներով): Բայց եթե ածուխը հաբերով է, ապա այն կարող եք մանրացնել:
Մածուկը քսեք ատամի խոզանակին և այն թաթախեք ածուխի փոշու մեջ, որպեսզի մածուկն ամբողջությամբ ծածկվի փոշու շերտով: Սովորականի պես լվացեք ատամները: Բնականաբար, նման խոզանակից հետո բերանը և ատամները կունենան սև ծածկույթ: Այն պետք է լվանալ պարզ ջրով:
Ակտիվացված ածուխով դիմակ․
Այս դիմակը հարմար է մաշկի բոլոր տեսակների համար, սակայն ամենալավն այն է, որ օգտագործելուց առաջ մաշկի որևէ հատված փորձարկվի՝ տեսնելու համար, թե արդյոք առկա է ալերգիկ ռեակցիա: Դուք կարող եք դա անել Ձեր ձեռքի վրա և սպասել 24 ժամ: Պետք է նաև նշել, որ ածուխի դիմակներն իրենց ազդեցությամբ նման են կավի դիմակներին, սակայն կոսմետոլոգները խոստովանում են, որ ածուխը կավից մաքուր բաղադրիչ է:
Բաղադրությունը․
- 1 թեյի գդալ ակտիվացված ածուխ
- 1 թեյի գդալ ալոե վերայի գել (կամ մաքուր ալոե վերայի հյութ)
- 1 թեյի գդալ ջուր կամ վարդաջուր
- 5 կաթիլ թեյի ծառի յուղ
- 1 պտղունց ծովի աղ
Ամեն ինչ խառնեք փոքր տարայի մեջ և բարակ շերտով քսել դեմքին: Թող դիմակը չորանա, ապա լվացեք: Այս դիմակը մաքրում է մաշկի ծակոտիները, հեռացնում ավելորդ ճարպը, փայլեցնում մաշկը:
Դեմքի սկրաբ ակտիվացված ածուխով․
Բաղադրիչները․
Վերցրեք ակտիվացված ածուխի երկու դեղահաբ: Ավելացրեք կես կամ մեկ թեյի գդալ ջուր: Թողեք այն մի քանի րոպե: Ավելացրեք մեկ թեյի գդալ ալոե վերա (հյութ կամ գել): Նույն քանակությամբ մեղր: Ավելացրեք մեկ թեյի գդալ շաքարավազ: Փորձեք աղ չօգտագործել, քանի որ այն ջրազրկում է մաշկը:
Ամեն ինչ մանրակրկիտ խառնեք և քսեք դեմքին: Թողեք դեմքին 20-30 րոպե: Այս ընթացքում կազմը կչորանա: Լվացեք սկրաբի դիմակը մաքուր ջրով:
Նյութը հրապարակման պատրաստեց ՆՈՐ ԻՆՖՈ-ն
