Տաք սենդվիչներ բանջարեղենով և խոզապուխտով․ Ստացվում է անչափ համեղ և ախորժելի

Որպեսզի նախաճաշը սննդարար լինի, արժե ավելի շատ թարմ բանջարեղեն ավելացնել։ Կարող եք վերցնել բուլղարական պղպեղ և լոլիկ, որոնք լավ համադրվում են պանրի և խոզապուխտի հետ։ Կարող եք նաև սունկ ավելացնել։ Եթե ​​Դուք իսկապես սիրում եք սունկ, ապա այս ուտեստը անպայման կդառնա Ձեր ամենասիրելին:

Պատրաստման համար անհրաժեշտ են հետևյալ բաղադրիչները․

  • Հաց 200 գ
  • Բուլղարական պղպեղ 1 հատ
  • Լոլիկ 1 հատ
  • Խոզապուխտ 80 գ
  • Կոշտ պանիր 100 գ
  • Մայոնեզ 1 ճ.գ.
  • Կանաչ սոխ ըստ ճաշակի
  • Ձու 1 հատ
  • Օրեգանո 0,5 թ․գ․
  • Աղ՝ ըստ ճաշակի

Պատրաստման եղանակը

Լոլիկն ու բուլղարական պղպեղը լավ լվացեք, ապա մանր կտրատեք։ Կանաչ սոխը նույնպես մանր կտրատեք և լցրեք բանջարեղենի վրա։ Խոզապուխտը կտրատեք փոքր խորանարդիկներով և լցրեք մնացած բաղադրիչների վրա։ Պանիրն անցկացրեց քերիչով և լցրեք բանջարեղենի և խոզապուխտների վրա։ Առանձին տարայի մեջ լցրեք ձուն, մայոնեզը, աղն ու օրեգանոն։

Խառնեք մինչև համասեռ զանգված ստացվի և լցրեք մնացած բաղադրիչների վրա և ամեն ինչ լավ խառնեք։ Հացը կտրատեք շերտերով և դասավորեք ջեռոցի տապակի մեջ: Նախապես պատրաստված զանգվածը քսեք հացի վրա և 7 րոպեով դրեք 200 աստիճանի տակ տաքացրած ջեռոցում։ Մատուցելիս սենդվիչների վրա շաղ տվեք մանրացրած կանաչիներ: Բարի ախորժակ։

Նյութը հրապարակման պատրաստեց ՆՈՐ ԻՆՖՈ-ն

(Visited 46 times, 1 visits today)
Понравилась статья? Поделиться с друзьями: