Աղցանի պատրաստման համար անհրաժեշտ են հետևյալ բաղադրիչները․
- Չինական կաղամբ — 1/2
- Ձու — 2 հատ
- Աղ
- Եգիպտացորեն — 80 գ
- Կանաչ սոխ — փոքր փունջ
- Մայոնեզ
- Աղացած սև պղպեղ։
Պատրաստման եղանակը․
Աղցանի համար կպահանջվի չինական կաղամբի կեսը։ Նախ կտրատեք այն բարակ շերտերով։ Երկու ձուն հարեք մի պտղունց աղով և տապակեք մի փոքր բուսայուղի մեջ։ Պետք է ստանաք երկու բարակ ձվաբլիթներ։
Կտրատեք բարակ շերտերով և լցրեք կաղամբի վրա: Կանաչ սոխը մանր կտրատեք և պահածոյացված եգիպտացորենի հետ միասին լցրեք պատրաստված բաղադրիչների վրա: Ավելացրեք 1-2 ճ.գ. կիտրոնի հյութ.
Համեմեք մայոնեզով (կարելի է նաև ավելացնել բուսայուղ, կամ մածուն), սև պղպեղով՝ ըստ ճաշակի և խառնեք։ Աղցանը պատրաստ է։ Ստացվում է շատ համեղ, թեթև և միևնույն ժամանակ սննդարար։ Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն
